«Ամեն ինչ նախապես որոշված է եղել». սկանդալային հայտարարություն
Wed, 08 Jul 2026 12:45:35 +0400
Եգիպտոսի հավաքականի հարձակվող Մոստաֆա Զիկոն կոշտ քննադատության է ենթարկել ՖԻՖԱ-ին և մրցավարական անձնակազմին՝ Արգենտինայի դեմ աշխարհի առաջնության 1/8 եզրափակիչ հանդիպումից հետո։
Եգիպտացիները խաղի ընթացքում երկու գնդակի առավելություն էին ստացել և մինչև 79-րդ րոպեն հաղթում էին 2:0 հաշվով, սակայն վերջնամասում բաց թողեցին երեք գոլ և ավարտեցին ելույթները մրցաշարում։
Հանդիպումից հետո Զիկոն հայտարարել է, որ մրցավարությունը, իր համոզմամբ, միակողմանի է եղել դեռևս առաջին րոպեներից։ Նրա դժգոհության հիմնական պատճառը դարձել է 58-րդ րոպեի դրվագը, երբ VAR-ի միջամտությունից հետո չեղարկվել է Եգիպտոսի հավաքականի խփած գոլը։
Ֆուտբոլիստի գնահատմամբ՝ իրենց թիմը արժանի խաղ է ցուցադրել, սակայն նույնիսկ երկու գոլի առավելությունը բավարար չի եղել Արգենտինային հաղթելու համար։ Նա նաև պնդել է, թե մրցաշարում որոշումները եղել են կանխակալ՝ հայտարարելով, որ իր կարծիքով մրցաշարի ընթացքը նախապես որոշված էր։
Զիկոն հավելել է, որ մրցավարի գործողությունները խլել են ամբողջ ազգի հույսերը և հայտարարել, որ վերջինս պետք է պատասխան տա իր կայացրած որոշումների համար։
Հիշեցնենք, որ հաղթանակից հետո Արգենտինայի հավաքականը դուրս է եկել աշխարհի առաջնության քառորդ եզրափակիչ, որտեղ կմրցի Շվեյցարիայի ընտրանու դեմ։