«Հրապարակ»․ Հույս ունեի, որ ԲՀԿ-ի մասով կվերականգնեն օրինականությունը

«Հրապարակ»․ Հույս ունեի, որ ԲՀԿ-ի մասով կվերականգնեն օրինականությունը

Thu, 09 Jul 2026 10:15:03 +0400


«Հրապարակի» զրուցակիցը ԵՊՀ Սահմանադրական իրավունքի ամբիոնի վարիչ, «Ժողովրդական համախմբում» կուսակցության երկրորդ համար Վարդան Այվազյանն է։

– Սահմանադրական դատարանը հրապարակել է քաղաքական յոթ ուժերի՝ ՍԴ դիմելու գործով որոշումը` 193 էջ ծավալով: Կարդացե՞լ եք այն:

– Եթե անկեղծ լինեմ` չէ, չեմ կարդացել, քանի որ ինձ հետաքրքիր չէ իրենց եզրակացությունը: Պետք է կարդամ եւ նյարդայնանամ, ներվերս քայքայեմ, դրա համար չեմ կարդացել:

– Իսկ Սահմանադրական դատարանի որոշումը սպասելի՞ էր Ձեզ համար:

– Այո, իհարկե, սպասելի էր: Ես կարծում եմ, որ ընդդիմադիր յոթ ուժերը, որոնք դիմել էին Սահմանադրական դատարան, ինձնից լավ գիտեին, որ չի լինելու որեւիցե արդյունք, եւ ամենահետաքրքիրն այն էր, որ ՍԴ ոչ մի դատավոր այս որոշման կայացմանը դեմ չի եղել, եւ հատուկ կարծիք անգամ չի ներկայացվել: Այսինքն` Սահմանադրական դատարանը որոշում է ընդունել միաձայն կերպով, բայց այս առումով ես մի փոքր հույս ունեի, որ գոնե «Բարգավաճ Հայաստան»-ի հետ կապված՝ Սահմանադրական դատարանը կվերականգնի օրինականությունը, որովհետեւ Ընտրական օրենսգիրքը հստակ ասում է` եթե ընտրատեղամասերում ընտրությունների արդյունքներն անվավեր են ճանաչում, ապա անպայման պետք է վերաքվեարկություն տեղի ունենա: Քաղաքացիների ընտրական իրավունքն ամրագրված է Սահմանադրությամբ: Մարդիկ քվեարկել էին կոնկրետ ուժին, ինչի արդյունքում 4 տոկոսանոց ուժ պետք է ձեւավորվեր Ազգային ժողովում, սակայն այդպես էլ չձեւավորվեց: Ստացվում է, որ մարդկանց սահմանադրական իրավունքը ոչնչացրին` ԿԸՀ-ի ձեռքով: Ինչպես տեսանք, Սահմանադրական դատարանն այստեղ էլ խնդիր չտեսավ եւ ԿԸՀ-ի որոշումն ուժի մեջ թողեց: Սահմանադրական դատարանի որոշումները վերանայման ենթակա չեն, դրանց հետ կապված դիտողություններ եւ տեսակետներ չեն լինում, այդ պատճառով էլ անելիք այս մասով չկա այլեւս:

– Սահմանադրական դատարանի նիստերը բավականին շատ քննարկվեցին, քանի որ մենք ականատես եղանք մի բանի, որն առաջներում երբեք չէինք տեսել: ՍԴ դատավորներից ոմանք քաղաքական ելույթներ էին ունենում բարձր դատարանում` չէին թաքցնում իրենց համակրանքն իշխանությունների նկատմամբ, նիստը վերածում էին քաղաքական բանավեճի եւ այլն: Այս ամենն օրենքի տեսանկյունից նորմա՞լ է:

– Սահմանադրական դատարանի մասին սահմանադրական օրենքում, ինչպես նաեւ Դատական օրենսգիրք սահմանադրական օրենքում հստակ գրված է, որ ոչ միայն ՍԴ դատավորները, այլեւ բոլոր դատավորները պետք է ունենան քաղաքական չեզոքություն եւ զսպվածություն, բնականաբար՝ հատկապես դատական գործընթացի ժամանակ չի կարելի քաղաքական դիտարկումներ անել, իսկ հարցադրումները պետք է լինեն բացառապես իրավական հարթության վրա, այլ ոչ թե՝ քաղաքական:

© 2026 Secure News Portal

Source: Hraparak

Hraparak.am

Recent Posts

«Հրապարակ»․ Նույնիսկ կրթության նախարարն է իրեն անկիրթ պահում եւ դասեր տալիս դեսպանին

«Հրապարակ»․ Նույնիսկ կրթության նախարարն է իրեն անկիրթ պահում եւ դասեր տալիս դեսպանին Sat, 21 Nov…

36 րոպե ago

Թրամփն աշխարհի ամենահզոր երկրների թվում նշել է Ռուսաստանին

Թրամփն աշխարհի ամենահզոր երկրների թվում նշել է Ռուսաստանին Sat, 21 Nov 2026 10:38:29 +0400 Ռուսաստանը,…

43 րոպե ago

«Հրապարակ»․ Ցեմենտի գործարանը դարձյալ աճուրդի է դրվել

«Հրապարակ»․ Ցեմենտի գործարանը դարձյալ աճուրդի է դրվել Sat, 21 Nov 2026 10:30:52 +0400 Հրազդանի ցեմենտի…

50 րոպե ago

«Հրապարակ»․ Լրագրողները պետք է բոյկոտեն ու հարց չտան այդ մարդուն

«Հրապարակ»․ Լրագրողները պետք է բոյկոտեն ու հարց չտան այդ մարդուն Sat, 21 Nov 2026 10:15:13…

1 ժամ ago

«Հրապարակ»․ Անիի երեխաները վախենում են Սիսիան վերադառնալուց

«Հրապարակ»․ Անիի երեխաները վախենում են Սիսիան վերադառնալուց Sat, 21 Nov 2026 10:00:21 +0400 Շաքիի դեպքից…

1 ժամ ago

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են Sat, 21 Nov 2026…

2 ժամ ago