«Հրապարակ»․ Մեր ապրանքը Եվրոպայում Ռուսաստանից թանկ ենք վաճառելու

«Հրապարակ»․ Մեր ապրանքը Եվրոպայում Ռուսաստանից թանկ ենք վաճառելու

Thu, 09 Jul 2026 10:45:44 +0400


Հայաստանից մի շարք ապրանքների՝ Ռուսաստան արտահանման արգելքից տնտեսվարողները փորձում են ելքեր գտնել։ Նոր շուկաների որոնման հարցում կառավարությունը թեեւ հայտարարում է, որ աջակցում է արտադրողներին ու արտահանողներին, բայց դրանք միայն խոսքեր են, փաստացի, տնտեսվարողները մնացել են միայնակ։

Մեզ հետ զրույցում Գողթում գտնվող խոշոր ջերմոցներից մեկի տնօրեն Մարկես Ղարիբյանը նշեց, որ փորձում են արտահանում իրականացնել դեպի եվրոպական երկրներ․ «Կամաց-կամաց փորձում ենք արտահանում իրականացնել։ Արդեն կազմակերպել ենք, տեղաբաշխում արել ենք, արտահանումներն իրականացնում ենք, բայց դեպի Ռուսաստան արտահանում չունենք։ Հիմա արտահանում իրականացնում ենք դեպի Եվրոպա, մասնավորապես՝ Լատվիա, Լիտվա, Բուլղարիա»։ Իսկ արտահանման նոր շուկաներն ինչպե՞ս են գտել ու պայմանավորվել։ «Մայիսի վերջին ես գնացել եմ մի քանի երկիր, հանդիպել, պայմանավորվել եմ, իրենց հրավիրել եմ Հայաստան, եկել են, տեղում ծանոթացել են մեր արտադրանքին, անգամ փորձնական խմբաքանակ չենք ուղարկել, հիմա ֆուռով ուղարկում ենք։ Մեր ջերմոցները 15 հեկտար են՝ ծավալով երկրորդ տեղում են Հայաստանում»։ Իսկ նոր շուկաներ գտնելու հարցում նշեց, որ կառավարությունը կամ էկոնոմիկայի նախարարությունը որեւէ կերպ չի աջակցել իրենց, բայց արտահանվող ապրանքները սուբսիդավորում են պետբյուջեից։

Անդրադառնալով հարցին, թե դեպի Ռուսաստան արտահանո՞ւմն էր ձեռնտու, թե՞ դեպի եվրոպական երկրներ, Ղարիբյանը պատասխանեց․ «Այս պահին՝ դեպի Եվրոպա, այս փուլում նաեւ կառավարության ֆինանսավորմամբ է, որ ավելի ձեռնտու է, քանի որ մեր դիրքերը մի քիչ թույլ են, եւ դրանից ելնելով՝ եվրոպական երկրներն ավելի ցածր գին են առաջարկում, բայց դա ժամանակի ընթացքում կկարգավորենք։ Բայց Ռուսաստանից ավելի թանկ ենք վաճառում, հաշվում եմ նաեւ լոգիստիկ ծախսերը։ Առաջիկայում կարծում եմ՝ ավելի կբարձրանան գները, քանի որ հիմա, մեր արտահանման խնդիրներով պայմանավորված, մեզ ցածր գին են առաջարկում, մեր դիրքերը դեռ թույլ են»։
Նրա խոսքով, ՌԴ արգելքից հետո մինչեւ նոր շուկաներ գտնելը ֆինանսական մեծ կորուստներ են կրել․ «Շատ մեծ կորուստներ ենք կրել, խոսքը գնում է հարյուրավոր միլիոնների մասին։ Բայց, փառք Աստծո, հիմա սկսել ենք արտահանել, Ռուսաստանը մեզ թույլ տվեց նոր շուկաներ գտնել, որոնք կարող են ավելի շահավետ լինել։ Բայց մեր վարդերը որ համեմատում ենք այլ երկրների հետ, օրինակ՝ Քենիայի, Եթովպիայի, Կոլումբիայի հետ, մեր վարդերն ավելի շատ թերթիկներ ունեն, ավելի փարթամ են»։

Նա նշեց, որ կառավարության փոխհատուցման ծրագրին դիմել են․ «Պիտի թղթերը մուտք անենք, որ փոխհատուցումը տրամադրվի, իսկ փոխհատուցումը լինելու է ըստ արտահանած ծաղիկների քանակի, մեկ ծաղիկի հաշվով` 37 դրամ»։

ՀԳ․ Երեկ «Ալիքմեդիան» գրել էր, որ հայ-վրացական սահմանից հետ է վերադարձվել 22 հազար հատ ծաղիկ․ Վրաստանի իշխանությունները դա բացատրել են ֆիտոսանիտարական նորմերի անհամապատասխանությամբ:

© 2026 Secure News Portal

Source: Hraparak

Hraparak.am

Recent Posts

4 ամիս կկարողանան ռուսական նավթ գնել

4 ամիս կկարողանան ռուսական նավթ գնել Tue, 17 Nov 2026 23:55:31 +0400 Սլովակիան ամերիկյան վարչակազմից…

4 ժամ ago

«Ես դեռ երեխա եմ». Մակրոնը խոստովանել է, որ հոգեբանորեն կախված է տարիքով մեծ կանանցից

«Ես դեռ երեխա եմ». Մակրոնը խոստովանել է, որ հոգեբանորեն կախված է տարիքով մեծ կանանցից Tue,…

5 ժամ ago

Մարդիկ, ովքեր հեռու են բարոյականությունից, հանկարծ սկսել են բարոյականության դասեր տալ․ Տեր Պսակ

Մարդիկ, ովքեր հեռու են բարոյականությունից, հանկարծ սկսել են բարոյականության դասեր տալ․ Տեր Պսակ Tue, 17…

5 ժամ ago

Չկորցնենք մարդ լինելու, սգալու, ընդվզելու, ափսոսելու, պայքարելու մեր ունակությունը

Չկորցնենք մարդ լինելու, սգալու, ընդվզելու, ափսոսելու, պայքարելու մեր ունակությունը Tue, 17 Nov 2026 23:32:51 +0400…

5 ժամ ago

Ականազերծման համար փող են հատկացրել

Ականազերծման համար փող են հատկացրել Tue, 17 Nov 2026 23:30:43 +0400 Նիդերլանդները, Նորվեգիան, Եվրամիությունն ու…

5 ժամ ago

Վենսը հայտարարել է ԱՄՆ-ում էլեկտրաէներգիայի հնարավոր անջատումների նախապատրաստական ​​աշխատանքների մասին

Վենսը հայտարարել է ԱՄՆ-ում էլեկտրաէներգիայի հնարավոր անջատումների նախապատրաստական ​​աշխատանքների մասին Tue, 17 Nov 2026 23:23:56…

5 ժամ ago