Ռազմադաշտն ու բանակցությունների սեղանը՝ միաժամանա՞կ․ նոր զարգացումներ
Sat, 11 Jul 2026 10:00:30 +0400
Իրանը և Միացյալ Նահանգները կարող են բանակցությունների նոր փուլ անցկացնել հաջորդ շաբաթ՝ չնայած ռազմական գործողությունների վերսկսմանը, ավելի վաղ հաղորդել էր Axios-ը։
Հղում անելով անանուն աղբյուրի՝ հրատարակությունը գրել էր, որ Վաշինգտոնի և Թեհրանի միջև բանակցությունների նոր փուլը կարող է անցկացվել Շվեյցարիայում։
Ըստ նույն աղբյուրի՝ ուրբաթ օրը Կատարի պատվիրակությունը ժամանել է Իրան, ԱՄՆ-ի հետ կապի մեջ լինելով, ներկայիս լարվածությունը թուլացնելու ջանքերի շրջանակում։
Միևնույն ժամանակ, ըստ Fars լրատվական գործակալության, Իրանը հերքել է այն տեղեկությունները, որ հաջորդ շաբաթ նախատեսված են Իրանի և ԱՄՆ-ի միջև նոր բանակցություններ։
ԱՄՆ նախագահ Դոնալդ Թրամփն ավելի վաղ պնդել է, թե Իրանը համաձայնել է բանակցությունների, սակայն, նրա խոսքով, չնայած այդ ամենին՝ կողմերի միջև հրադադարն ավարտված է։