«Աչքդ լույս, աղջկադ մատին արդեն մատանի կա, ասացի՝ ինձ հարցնող եղե՞լ է». Արսեն Սաֆարյանը՝ դստեր նշանադրության մասին
Sun, 12 Jul 2026 18:30:43 +0400
Երգիչ Արսեն Սաֆարյանը «Բառ ու բաս» հաղորդման ընթացքում անկեղծորեն խոսել է դստեր՝ Էլեն Սաֆարյանի նշանադրության մասին՝ խոստովանելով, որ լուրը սկզբում իր համար անակնկալ է եղել։ «Սաթիկն ասաց՝ «աչքդ լույս, աղջկադ մատին մատանի կա»։ Ասացի՝ ոնց, բայց ինձ հարցնող եղե՞լ է։ Ինքն ասաց՝ հանգստացի, հիմա այդպես է ընդունված։ Փորձում էի համակերպվել, մտածում էի՝ շուտ չէ՞։ Մի տեսակ հուսահատ վիճակում էի։ Բայց հաջորդ օրը խնամիները եկան, շատ կարգին ու ընտիր մարդիկ էին»,- պատմել է երգիչը։ Հիշեցնենք, որ ամիսներ առաջ Էլեն Սաֆարյանը սիրելիից ամուսնության առաջարկություն էր ստացել օդապարիկով թռիչքի ժամանակ՝ կիսվելով այդ գեղեցիկ պահով իր հետևորդների հետ։