Ադրբեջանը դուրս է գալիս
Mon, 13 Jul 2026 13:00:18 +0400
Ադրբեջանի նախագահ Իլհամ Ալիևը հայտարարել է, որ երկիրը լրջորեն քննարկում է Եվրոպայի խորհրդից լիակատար դուրս գալու հարցը։ Նա այս մասին հայտարարել է օկուպացված հայկական Շուշիում մեկնարկած 4-րդ գլոբալ մեդիա ֆորումի բացման ժամանակ։
«Ուղիղ կասեմ. Ադրբեջանը լրջորեն քննարկում է այս կազմակերպությունից լիակատար դուրս գալու հարցը։ Խոսքը անդամակցությունը կասեցնելու կամ սառեցնելու մասին չէ. մենք անպայման քննարկում ենք մշտական դուրս գալու հնարավորությունը։ Եվրոպայի խորհրդի գլխավոր քարտուղարը կապ է հաստատել ինձ հետ և խնդրել է չանել դա և գտնել իրավիճակը բարելավելու միջոց», – ասել է Ալիևը։
Պետության ղեկավարը նշել է, որ եթե Ադրբեջանն ամբողջությամբ դուրս գա Եվրոպայի խորհրդից, դա աննկատ կմնա։ «Այսինքն՝ այստեղ քիչ բան կփոխվի։ Հնարավոր է՝ նույնիսկ ավելի լավ լինի։ Մենք չենք ձգտում բախման։ Ադրբեջանին կողմնակալ են վերաբերվում, և նրանց պնդումները անհիմն են», – ընդգծել է նա։
Ըստ Ալիևի՝ Ադրբեջանը երկու տարի «խտրականության է ենթարկվել» Եվրոպայի խորհրդում։ Նա հիշեցրել է, որ 2024 թվականի հունվարին հանրապետության պատվիրակությունը զրկվել է քվեարկության իրավունքից։ «Սա պատիժ էր հենց մեր դիրքորոշման, մեր տարածքային ամբողջականության համար», – ասել է Ալիևը։