Նախկին ամուսինների երկարամյա դատական վեճն ավարտվել է
Mon, 13 Jul 2026 20:00:28 +0400
Հոլիվուդյան հայտնի դերասան Չարլի Շինի եւ նրա նախկին կնոջ՝ Բրուք Մյուլերի միջեւ եղած բազմամյա դատական վեճը, կապված ալիմենտների չվճարելու հետ կապված պարտքերի հետ, պաշտոնապես ավարտվել է։ Դատարանը հաստատել է հաշտության համաձայնագիրը, որով Շինը պարտավորվում է վճարել Մյուլերին կես միլիոն դոլար։«E! Online» պարբերականի համաձայն, Մյուլերը հայտարարել է, որ նախկին ամուսինը խախտել է վճարման գրաֆիկի պայմանավորվածությունը, ըստ որի՝ ամեն ամիս 55 հազար դոլար պետք է վճարեր։
Խախտման սկիզբը, ըստ նրա, եղել է 2011 թվականի հուլիսից։ Շինն էլ իր հերթին հայտարարել է, որ պարտք չունի, քանի որ նշված շրջանում գրեթե ամբողջապես ինքն է հոգացել երկվորյակ որդիների՝ Բոբի եւ Մաքսի ծախսրը։ Ձեռք բերված համաձայնության համաձայն, դերասանը նախկին կնոջը երկու հավասար մասերով վճարելու է 500 հազար դոլար։ Դա ծածկելու է 2011-26 թթ ունեցած պարտքը։ Բացի այդ, դերասանը նաեւ 60 հազար դոլար է վճարելու՝ Մյուլերի դատական ծախսերի դիմաց։ Նախկին ամուսիններից յուրաքանչյուրը պահպանում է երկվորյակ որդիների օրինական խնամակալի կարգավիճակը, սակայն երեխաները պետք է ապրեն հայրական տանը։ Նշենք, որ Մյուլերն ի սկզբանե պահանջում էր 15 միլիոն դոլար, սակայն դատարանը դա համարել է չափազանց բարձր պահանջ։