Ծառուկյանի կողքին ենք. նա է մեզ հնարավորություն տվել
Tue, 14 Jul 2026 12:16:25 +0400
«Մուլտի տաբակ» ընկերության աշխատակիցները հայտարարել են, որ շարունակելու են պայքարը՝ պահանջելով վերականգնել իրենց աշխատատեղերը։
Ակցիայի մասնակիցներից մեկը լրագրողների հետ զրույցում նշել է, որ իրենց նպատակը ոչ թե այլ վայրում աշխատանք գտնելն է, այլ սեփական աշխատատեղ վերադառնալը, որտեղ տարիներ շարունակ ներդրել են իրենց աշխատանքն ու ջանքերը։
«Մենք պայքարելու ենք մինչև վերջ, որպեսզի մեր աշխատատեղը բացվի։ Մենք ուզում ենք աշխատել հենց այստեղ, այն վայրում, որտեղ աշխատել ենք և մեր ներդրումն ենք ունեցել։ Պարոն Ծառուկյանն է ստեղծել այս հնարավորությունը և մեզ աշխատանքի հրավիրել։ Մենք մինչև վերջ պայքարելու ենք և աջակցելու ենք նրան»,- ասել է աշխատակցուհին։