Փարիզում իսկական քաոս է. անկարգություններ են սկսվել
Wed, 15 Jul 2026 12:30:54 +0400
Ֆրանսիայի հավաքականի՝ աշխարհի առաջնության կիսաեզրափակչում Իսպանիայից կրած 0:2 պարտությունը ծանր հարված էր երկրի երկրպագուների համար։ Սակայն խաղից հետո տեղի ունեցած իրադարձությունները դուրս եկան պարզապես մարզական հիասթափության սահմաններից՝ վերածվելով լայնածավալ անկարգությունների։
Փարիզի մի շարք շրջաններում հազարավոր մարդիկ դուրս են եկել փողոցներ, որտեղ իրավիճակը արագորեն լարվել է։ Ցուցարարների մի մասը բախումների է բռնվել ոստիկանության հետ, փողոցներում այրվել են ավտոմեքենաներ և աղբամաններ, վնասվել են հանրային ենթակառուցվածքներ ու խանութների ցուցափեղկեր։ Իրավապահները ստիպված են եղել կիրառել արցունքաբեր գազ և հատուկ միջոցներ՝ իրավիճակը վերահսկողության տակ պահելու համար։
Սոցիալական ցանցերում լայն տարածում են գտել տեսանյութեր, որոնցում երևում են Փարիզի փողոցներում բռնկված հրդեհները, ծխով պատված թաղամասերը, ինչպես նաև ոստիկանության և անկարգությունների մասնակիցների միջև բախումները։ Ըստ միջազգային լրատվամիջոցների՝ անկարգություններ արձանագրվել են ոչ միայն մայրաքաղաքում, այլև Ֆրանսիայի մի շարք այլ քաղաքներում։
Հիշեցնենք, որ աշխարհի առաջնության կիսաեզրափակչում Իսպանիայի հավաքականը 2:0 հաշվով հաղթեց Ֆրանսիային և դուրս եկավ մրցաշարի եզրափակիչ, իսկ ֆրանսիացիները կպայքարեն երրորդ տեղի համար։