Վրաստանի և Հայաստանի միջև ապրանքաշրջանառությունն աճել է 50 տոկոսով
Sat, 18 Jul 2026 22:15:57 +0400
2026 թվականի հունվար-մայիսին Վրաստանի և Հայաստանի միջև ապրանքաշրջանառությունն աճել է 49,4 տոկոսով և կազմել 421,5 մլն դոլար։ Այս մասին հայտնել է BM.GE-ն։
Չնայած դրական առևտրային հաշվեկշռին (արտահանումը գերազանցում է ներմուծումը)՝ հիմնական դինամիկան ապահովվել է ներմուծման կտրուկ աճով։
Մասնավորապես, Հայաստանից ներմուծումն աճել է 98,5 տոկոսով՝ գրեթե կրկնապատկվելով, և հասել է 166,1 մլն դոլարի, ինչի շնորհիվ Հայաստանը զբաղեցրել է 9-րդ տեղը Վրաստանի խոշորագույն ներմուծող երկրների շարքում (2,3 տոկոս մասնաբաժնով)։