Մեսսին մեր փառահեղ անցյալն է, իսկ հիմա Յամալի ժամանակն է. Լապորտա
Sun, 19 Jul 2026 21:30:22 +0400
Կատալոնական «Բարսելոնայի» նախագահ Ժոան Լապորտան կիսվել է ԱԱ-2026-ի եզրափակիչում արգենտինացի լեգենդար հարձակվող Լիոնել Մեսսիի և իսպանացի տաղանդ Լամին Յամալի սպասվող պատմական հակամարտության վերաբերյալ իր սպասումներով։
«Ես ուզում եմ, որ սա Լամինի ժամանակը լինի։ Մեսսին մեզ փառքի տարիներ է պարգևել, նա մեր պատմության փառահեղ ու շքեղ անցյալի մի մասն է, սակայն այժմ եկել է Յամալի ժամանակը։ Լամինը հանճար է։
Նա չի ընկրկում դժվարությունների առջև, որոնք կարող են կոտրել ցանկացածին։ Նա չափազանց համարձակ է, բոլոր փորձություններին դիմակայում է դեմ առ դեմ և իր տարիքի համեմատ անհավանական հասուն է»,- Լապորտայի խոսքերն է մեջբերում Mundo Deportivo-ն։
ԱԱ-2026-ի մեծ եզրափակիչը՝ Իսպանիա — Արգենտինա, կկայանա այսօր՝ հուլիսի 19-ին, ԱՄՆ-ի Նյու Ջերսի նահանգում։ Հանդիպումը կմեկնարկի Երևանի ժամանակով 23:00-ին։ Գրում է ArmSport-ը։