Նախապատրաստվում են Սի Ծինփինի այցին
Tue, 21 Jul 2026 12:30:51 +0400
Միացյալ Նահանգներում ակտիվորեն ընթանում են Չինաստանի նախագահ Սի Ծինփինի այդ երկիր կատարելիք այցին։ Այցը նախատեսված է սեպտեմբերին։ Այս մասին հայտնում է Bloomberg պարբերականը։ Պետքարտուղար Մարկո Ռուբիոն այս առնչությամբ լրագրողների հետ զրույցում հայտարարել է, որ ամերիկյան կողմը սպասում է, որ այցը տեղի կունենա սեպտեմբերին։ Նա հավելել է, որ չինական կողմը շարունակում է աշխատանքային խմբեր գործուղել՝ առաջիկա այցի նախապատրաստություններն իրականացնելու համար։ Ռուբիոն նշել է, որ չի տեսնում հանգամանքներ, որոնք կարող են այդ այցը հարցականի տակ դնել։ Ավելին՝ շեշտել է, որ այցը շատ կարեւոր է, քանի որ այնպիսի խոշոր տերություններ՝ ինչպիսիք են Միացյալ Նահանգներն ու Չինաստանը, անխուսափելիորեն կունենան լարվածություն առաջացնող հարցեր, որոնք պետք է քննարկման առարկա դառնան բարձր մակարգակով։