Միացյալ Նահանգներում դատարանը 14 օրով դադարեցրել է Paramount Skydance եւ Warner Bros ընկերությունների միաձուլման գործարքը։ Այս մասին հայտնում է Bloomberg պարբերականը։ Ընկերությունները նախապես մտադիր են եղել գործարքն ավարտին հասցնել մինչեւ հուլիսի 22-ը։ Սակայն մոտ մեկ շաբաթ առաջ՝ Կալիֆորնիայի եւ եւս տասնմեկ նահանգների իշխանություններ դատական հայցեր են ներկայացրել՝ խնդրելով դատարանին արգելափակել գործարքի ավարտումը՝ հայտարարելով, որ այն վնաս է հասցնում կինովարձույթի եւ կաբելային հեռուստատեսությունների կոնտենտի լիցենզավորման շուկաներում մրցակցային կանոններին։ Նշենք, որ Paramount Skydance Corp-ը այս տարվա հունիսին հայտարարել էր, որ ձեռք է բերում Warner Bros. Discovery ընկերությունը 81 միլիարդ դոլարով։ Գործարքի անվանական արժեքը սակայն 110 միլիարդ է՝ հաշվի առնելով ձեռք բերվող ընկերության ունեցած պարտքերը։ ԱՄՆ Արդարադատության նախարարությունը համարել էր, որ այս միաձուլումը չի վնասում մրցակցությանը կամ սպառողներին։ Ի դեպ, նախապես Արդարադատության նախարարությունը մտադիր է եղել վիճարկել միաձուլումը եւ սկսել է քննություն, սակայն հետո դադարեցրել է քննությունը, ինչը նշանակում է, որ գործարքը հավանության է արժանացրել։