Արյունալի հաշվեհարդար Մուրացանում՝ 20-ամյա զոհ և 15-ամյա վիրավոր․ նոր մանրամասներ
Tue, 21 Jul 2026 20:42:15 +0400
Ըստ ՆԳՆ-ի` հուլիսի 18-ին, ժամը 21:00-ի սահմաններում, ոստիկանությունում տեղեկություններ են ստացվել, որ Երևանի Մուրացան 109 հասցեում տեղի է ունեցել հրաձգություն, որի հետևանքով կա զոհ։ Սպանվել էր 20-ամյա Վահե Մկրտչյանը և վիրավորվել 15-ամյա Գ. Մարգարյանը։ Ոչ պաշտոնական տեղեկությունների համաձայն` նրանք նախկինում միմյանց ծեծել են, վաղուցվա թշնամություն ունեն։
Գլխավոր դատախազությունից մեր հարցին ի պատասխան տեղեկացրին, որ 4 անձի նկատմամբ քրեական հետապնդում է հարուցվել, կալանքի միջնորդություններ են ներկայացվելու դատարան։