Ինչ են պատմում Կոնջորյանի եղբոր մասին Աբովյանում
Mon, 27 Jul 2026 17:43:00 +0400
Այսօր վաղ առավոտից համացանցը քննարկում է ՔՊ-ական Հայկ Կոնջորյանի եղբորը՝ Ավետ Կոնջորյանին դաժան ծեծի ենթարկելու տեսանյութը: Մինչ հանրությունը քննարկում է երիտասարդ տղամարդուն ծեծի ենթարկելու կադրերը, Աբովյան քաղաքի մեր աղբյուրը հայտնում է, որ Ավետ Կոնջորյանը Աբովյանում չսիրված կերպար է, հայտնի է իր հղփացած վարքով:
Մեր աղբյուրը պատմում է, որ վերջինս հեղափոխությունից հետո կտրուկ հարստացել է, գնել է «Բրաբուս» ավտոմեքենա, և Աբովյանում պարբերաբար իր «Բրաբուսով» ճռռիկներ է անում, աջ ու ձախ ռեպլիկներ բաց թողնում մարդկանց հասցեին, իսկ ընտրությունների ժամանակ իրենց թաղում աշխատում է ՔՊ-ի համար, մարդկանց տարբեր խոստումներ էր տալիս ու ձայներ հավաքում:
Ավետը կիսագողական բարքերի կրող է, ինչի դեմ իբրև թե պայքարում է Նիկոլ Փաշինյանը, սակայն վերջին իրադարձությունները, մասնավորապես նրա` ոստիկանություն դիմելը փաստեցին, որ նա անգամ այդ բարքերի կրողն էլ չէ, շարքային «կուռաժիտ» դեմք է: Նա վերջին տարիներին «Միլոն Ռիելթի» ընկերության տնօրենն էր, և այն, որ Աբովյանում աջ ու ձախ բարձրահարկ շենքեր են կառուցվել դա էլ է իր «շնորհքը»:
Աբովյանցիները պատմում են, որ հենց այդ ընկերության գործունեության արդյունքում է քաղաքը վերածվել խառնաշփոթի, ամեն քայլափոխի շենք-շինություններ են:
Ուշագրավ է, որ Փաշինյանը իբրև թե պայքարում է օլիգարխների ու հղփացածների դեմ, սակայն հենց ինքը իր կառավարման այս 8,5 տարիներին հասցրել է այդպիսիներին «ծնել»: