Ռուսները զանգվածային հարված են հասցրել Ուկրաինայի ռազմական օդանավակայաններին
Thu, 30 Jul 2026 11:00:03 +0400
Ռուսական բանակը գիշերը զանգվածային հարված է հասցրել Ուկրաինայի ռազմական օդանավակայաններին և ռազմարդյունաբերական համալիրի օբյեկտներին։ Այս մասին հայտնում է ՌԴ պաշտպանության նախարարությունը։
«Այս գիշերը ՌԴ ԶՈւ–ն զանգվածային հարված է հասցրել ցամաքային, օդային և ծովային տեղակայման մեծ հեռահարություն ունեցող բարձր ճշգրտության զենքով, ինչպես նաև հարվածային անօդաչուներով», – ասվում է հաղորդագրության մեջ։
Խոցվել են Կիևի, Լվովի, Իվանո-Ֆրանկովսկի, Ժիտոմիրի, Ռովնոյի, Վիննիցայի և Դնեպրոպետրովսկի մարզերում գտնվող օբյեկտները, որոնք ներգրավված են տարբեր նշանակության հրթիռային զենքի և անօդաչուների արտադրության, պահման և մատակարարման, ինչպես նաև օդային իրավիճակի վերահսկողության համակարգի աշխատանքի ապահովման գործում։
Նշվում է, որ հարված է հասցվել նաև «Յուժնի» նավահանգստում գտնվող 1 բեռնանավ և Օդեսայից արևելք և հարավ գտնվող երկու բեռնատար նավեր, որոնք սպառազինություն և ռազմական գույք էին մատակարարում։