Զոհեր, դաժան բախումներ․ Իսպանիա-Մարոկկո սահմանին քաոս է
Fri, 31 Jul 2026 16:30:49 +0400
EFE-ն հաղորդում է, որ ուրբաթ առավոտյան Մարոկկոյից Իսպանիայի ինքնավար Սեուտա և Մելիլյա քաղաքներ մուտք գործել փորձող հարյուրավոր մարդիկ բախումներ են առաջացրել Մարոկկոյի և Իսպանիայի սահմանին անվտանգության ուժերի հետ։
Ըստ գործակալության՝ Սեուտայի սահմանին գտնվող Մարոկկոյի Ֆնիդեկ քաղաքից մարդկանց խմբեր փորձել են խարխլել ցանկապատը՝ քարեր նետելով անվտանգության ուժերի վրա։
Ավելին, Բենի Անսար սահմանային անցակետի մոտ անողոք բախումներ են տեղի ունեցել ուժայինների և հարյուրավոր երիտասարդների, այդ թվում՝ բազմաթիվ անչափահասների միջև, որոնք փորձել են մտնել Իսպանիայի Մելիլյա քաղաք սահմանային ցանկապատի և նավահանգստի միջով։
Ըստ El Confidencial-ի՝ հղում անելով Իսպանիայի քաղաքացիական գվարդիայի գնահատականներին, հուլիսի 30-ին Մարոկկոյից Իսպանիայի ինքնավար Սեուտա քաղաք անօրինական մուտք գործածների թիվը կարող է լինել մինչև 40,000 միգրանտ։
Վերջին հաղորդագրությունների համաձայն՝ Սեուտա հասնելու փորձ կատարելիս մահացել է առնվազն 19 մարդ։
Ճգնաժամի պայմաններում Իսպանիայի իշխանությունները որոշել են տեղակայել բանակը՝ քաղաքում անվտանգությունն ապահովելու համար։ Իսպանիայի վարչապետ Պեդրո Սանչեսը նախատեսվում է այցելել քաղաք հուլիսի 31-ին՝ ներքին գործերի նախարար Ֆեռնանդո Գրանդե-Մարլասկայի հետ միասին։