Բաքվում ավարտվել է հայ գերիների վերաքննիչ բողոքների վերանայումը
Fri, 31 Jul 2026 22:45:13 +0400
Բաքվի վերաքննիչ դատարանում այսօր ավարտվել է Ադրբեջանում ապօրինաբար պահվող՝ Արցախի նախկին ռազմաքաղաքական ղեկավարության և հայ մյուս գերիների վերաքննիչ բողոքների «վերանայումը»։
Ըստ ադրբեջանական ԶԼՄ-ների՝ «դատական կազմը» սկսել է քննարկել «որոշումը»:
Նշվում է, որ այսօր կայացած այսպես կոչված նիստում Արցախի նախկին նախագահ Բակո Սահակյանը միջնորդություն է ներկայացրել դատարանին՝ չեղյալ հայտարարելու ստորին դատարանի «դատավճիռը» և արդարացնելու իրեն։
Մյուս գերիները ևս իրենց անհամաձայնությունն են հայտնել առաջադրված «մեղադրանքներին»։