Ռուս հայտնի երգչուհի Յուլյա Սավիչեւան հայտարարել է, որ ժամանակավորապես դադարեցնելու է սոցկայքերում օգտահաշիվներ վարել։ Պատճառը՝ վերջին շրջանում իր վրա սոցկայքային հարձակումներն ու բացասական մեկնաբանություններն են, որոնք արվում են իր գրառումների, կամ ստեղծագործությունների հետ կապված։

Երգչուհին ասել է, որ հատկապես բուռն են եղել «էսքտրիմ-վոկալի» եւ «գրոուլինգի» հետ կապված նրա փորձարկումները։ Քննարկումները արագորեն դուրս են եկել երաժշտության սահմաններից եւ օգտատերերը սկսել են քննադատել երգչուհու ոճը, կերպարը, նույնիսկ հագուկապի մանրամասները, ինչպես նաեւ՝ պահանջել են՝ «հետ վերադարձնել նախկին Սավիչեւային»։ Երգչուհին խոստովանել է, որ բացասական մեկնաբանությունների եւ հաղորդագրությունների գրեթե չդադարող հոսքը ազդել է իր էմոցիոնալ վիճակի վրա։ «Ինձ թվում է, որ իրոք սկսում եմ խելագարվել»,- ասել է երգչուհին։ Սավիչեւան ասել է, որ սոցցանցերում թարմացումներ կանեն իր օգնականները, իսկ ինքն անձամբ ընդմիջում է վերցնում եւ այլեւս չի զբաղվելու սոցկայքերի իր օգտահաշիվներով։