Հնարավոր գործարքի շրջանակում ԱՄՆ-ն Իրանից պահանջում է նվազեցնել միջուկային վառելիքի հարստացման աստիճանը (նոսրացնել այն)՝ դրա հետագա ուտիլիզացման կամ ատոմային էլեկտրակայաններում օգտագործման համար։ Այս մասին հայտնում է The New York Times (NYT) պարբերականը՝ հղում անելով աղբյուրներին։

«ԱՄՆ-ն պահանջում է, որ վառելիքը նոսրացվի, որպեսզի այն հնարավոր չլինի հեշտությամբ օգտագործել սպառազինության մեջ, ապա փոխանցվի ԱՄՆ-ին կամ այլ երկրի, որտեղ այն հնարավոր կլինի ոչնչացնել կամ օգտագործել ատոմակայաններում», –իր աղբյուրների խոսքերն է էմեջբերում թերթը։

Անունները բացահայտել չցանկացող պաշտոնյաների խոսքով` նույնիսկ եթե միջուկային հարցի շուրջ բանակցությունները սկսվեն, դրանք կձգվեն մինչև աշուն և հնարավոր է՝ դրանից էլ ուշ ժամկետի։

Ըստ հրապարակման՝ որոշ պաշտոնյաներ թերահավատորեն են վերաբերվում ուրանի շուրջ համաձայնության հասնելու հնարավորությանը։