Լոնդոնը վերահաստատել է իր աջակցությունը խաղաղության ջանքերին
Sat, 08 Aug 2026 13:15:13 +0400
Միացյալ Թագավորությունը վերահաստատել է իր աջակցությունը Հարավային Կովկասում կայուն խաղաղության հասնելու ջանքերին։
Այս մասին ասվում է Ադրբեջանում Մեծ Բրիտանիայի դեսպանատան հայտարարության մեջ, որն արվել է օգոստոսի 8-ին Վաշինգտոնի գագաթնաժողովի առաջին տարեդարձի կապակցությամբ։
«Վաշինգտոնի գագաթնաժողովում ձեռք բերված համաձայնությունների առաջին տարեդարձի առթիվ մենք բարձր ենք գնահատում այն առաջնորդների քաղաքական կամքը, ովքեր այս պատմական քայլը կատարեցին դեպի խաղաղություն», – ասվում է հայտարարության մեջ։
Դիվանագիտական առաքելությունը շեշտել է, որ շարունակական երկխոսությունն ու համագործակցությունը կարևոր են ապագա սերունդների համար անվտանգ և բարգավաճ տարածաշրջան կառուցելու համար։
«Մեծ Բրիտանիան շարունակում է հանձնառու լինել կայուն և երկարաժամկետ խաղաղության հասնելու ջանքերին աջակցելուն», – ասվում է հայտարարության մեջ։