Առաջարկում են հրաժարվել ինտերնետում անանունությունից․ ո՞րն է վտանգը
Thu, 13 Aug 2026 12:30:15 +0400
Պետդումայի տեղեկատվական քաղաքականության հանձնաժողովի փոխնախագահ Անդրեյ Սվինցովը առաջարկել է հրաժարվել համացանցում անանունությունից և ներդնել հաշվի սեփականատերերի նույնականացում, ինչը «կնվազեցնի արգելված բովանդակության տարածումը և կվերացնի համացանցում գոյություն ունեցող «մոխրագույն գոտին»։
Այս մասին հաղորդում է Moscow Times-ը։
«Ժամանակն է, որ Ռուսաստանը և աշխարհը ընդհանրապես հրաժարվեն անանուն ինտերնետից», – հայտարարել է Սվինցովը։
Պատգամավորը կարծում է, որ ինտերնետում հաշիվների զգալի մասը ֆիկտիվ են։
«Ինտերնետում հաշիվների 95%-ը կեղծ են, որոնք սովորաբար օգտագործվում են չարամիտների կողմից արգելված բովանդակություն տարածելու համար։ Անանուն հաշիվները չեն արգելվում. դա մոխրագույն գոտի է։ Ոչ մի օրինական հաշիվ չի զբաղվում անօրինական գործունեությամբ։ Ես նույնականացված ինտերնետի կողմնակից եմ ոչ միայն Ռուսաստանի, այլև ամբողջ աշխարհի համար», – ասել է նա։
Սվինցովի խոսքով՝ օգտատիրոջ պարտադիր նույնականացման բացակայությունը խոչընդոտում է բովանդակության մոդերացիային և կանխում անցանկալի նյութերի լիակատար հեռացումը։