Իրանն ասել է, թե որ երկրներին կհարվածի
Sun, 23 Aug 2026 18:00:36 +0400
Իրանը հարվածներ կհասցնի հարևան երկրների շահերին, եթե նրանք միանան ԻԻՀ-ի դեմ ԱՄՆ տնտեսական գործողությանը։ Այս մասին, ինչպես փոխանցում է IRIB-ը, հայտարարել է Իրանի Ազգային անվտանգության բարձրագույն խորհրդի քարտուղար Մոհսեն Ռեզային։
Ավելի վաղ ԱՄՆ նախագահ Դոնալդ Թրամփը հայտարարել էր Իրանի դեմ տնտեսական գործողություն սկսելու մասին։ Նա այդ գործողությունն անվանել էր «աննախադեպ մասշտաբների մեկուսացում» և դաշնակիցներին կոչ էր արել միանալ Վաշինգտոնին։
«Եթե Իրանին շրջապատող երկրները միանան ԱՄՆ-ին՝ Թեհրանի դեմ նրա տնտեսական պատերազմում, մենք հարված կհասցնենք նրանց շահերին»,- ասել է Ռեզային։
Նա նշել է, որ այդ դեպքում նավթի ոչ մի կաթիլ դուրս չի գա Պարսից ծոցից, և Թեհրանը հարվածներ կհասցնի Պարսից ծոցից նավթի արտահանման մյուս ուղիներին։
Ռեզային նաև զգուշացրել է, որ Իրանը լիովին պատրաստ է գրոհել ամերիկյան նավթային և այլ ընկերությունները Մերձավոր Արևելքում։
Թրամփն իր հերթին դարձյալ հայտարարել է, որ Հորմուզի նեղուցը դիտարկում է որպես ԱՄՆ տարածք։