Անխնա տարածում ենք. Լոռին արձագանքում է մեր հրապարակմանը
Mon, 24 Aug 2026 17:15:19 +0400
Երկար տարիներ Լոռու մարզպետարանի առողջապահության և սոցիալական ծառայության վարչության պետի տեղակալ աշխատած Վալերի Ջաղինյանն անդրադարձել է մեր թերթում հրապարակված հոդվածին՝ վերնագրելով ՝ «Անխնա տարածում ենք»:
ԼՈՌԻ-ՇԱՀԵՐԻ ՊԱՇՏՊԱՆՈՒԹՅՈՒՆ
Խնդիրը մնում է չլուծված։ Թող այս մասին խոսեն շատերը։ Որովհետև մատչելիությունը ոչ թե բարեգործություն է կամ լավություն, այլ մարդու իրավունք։
Հուսով ենք՝ այս անգամ հանրային ուշադրությունը կվերածվի նաև կոնկրետ գործողության և վերջապես կունենանք մատչելի մուտք՝ բոլորի համար։
#Մատչելիություն #ՄարդուԻրավունք #Վանաձոր #ԱզնավուրիՄշակույթիՊալատ #Հասանելիություն
Կան նաեւ այլ արձագանքներ.
EREO
Ուրախ ենք, որ մեր բարձրաձայնած խնդրին անդրադարձել է նաև «Հրապարակ»-ը՝ «Մի թեքահարթակը՝ որպես քաղաքացու հանդեպ վերաբերմունքի չափանիշ» հոդվածով։ Կարդալ հոդվածը «Հրապարակ»-ում
Հինգ տարուց ավել շարունակ բարձրաձայնվող խնդիրը դեռ լուծում չունի։ Ակնկալում ենք, որ այս թեմային կանդրադառնան նաև այլ լրատվամիջոցներ, լրագրողներ, հասարակական կազմակերպություններ․․․
Сюзан Гокчян
Լիովին համամիտ եմ բարձրացված արդարացի բողոքին։ Եթե հին թեքահարթակը քանդվել է վթարայնության կամ չափանիշներին չհամապատասխանելու պատճառով, ապա նոր, անվտանգ ու ստանդարտներին համապատասխանող թեքահարթակի կառուցումը պետք է արվեր անմիջապես։ Որպես հաշմանդամություն ունեցող անձ, ես նույնպես միանում եմ այս պահանջին և բարձրաձայնում խնդիրը։ ՄԱԿ-ի Հաշմանդամություն ունեցող անձանց իրավունքների մասին կոնվենցիայի 9-րդ հոդվածի ուժով՝ միջավայրի մատչելիությունը պարտադիր պայման է և պետության պարտավորությունը։ Թեքահարթակը հաճույք կամ լավություն չէ, այլ մեր անօտարելի իրավունքը։ Պահանջում ենք մարզպետարանից, համայնքապետարանից և պատասխանատու ճարտարապետներից վերջապես քայլեր ձեռնարկել ու ապահովել լիարժեք մատչելի և սահմանված չափանիշներին համապատասխանող մուտք։