Սիրիան և Իսրայելը բանակցել են․ ինչ է հայտնի
Mon, 24 Aug 2026 17:00:53 +0400
Սիրիայի պետական SANA լրատվական գործակալության փոխանցմամբ՝ կիրակի օրը ԱՄՆ-ի միջնորդությամբ Սիրիայի և Իսրայելի բարձր մակարդակի պատվիրակությունները բանակցություններ են վարել Հորդանանում՝ քննարկելու Սիրիայի Իդլիբ նահանգում գտնվող Աբու ադ-Դուհուր ավիաբազային Իսրայելի կողմից վերջերս կատարված հարվածից հետո լարվածության թուլացումը։
Գործակալության տվյալներով՝ սիրիական պատվիրակությունը գլխավորել է արտաքին գործերի նախարար Ասաադ ալ-Շեյբանին։ Պատվիրակության կազմում են եղել նաև ընդհանուր և ռազմական հետախուզության ղեկավարները։
Իսրայելական կողմը ներկայացրել է բարձր մակարդակի պատվիրակություն։
Կողմերը քննարկել են Սիրիայի դեմ Իսրայելի ագրեսիայի դադարեցումը, բանակցություններին վերադառնալը և Գոլանի բարձունքների ապագան։ Դամասկոսը պնդում է, որ իսրայելական զորքերը դուրս բերվեն զբաղեցրած դիրքերից և վերադառնան մինչև 2024 թվականի դեկտեմբերի 8-ը տեղակայված դիրքերը։
Սիրիական կողմը նաև հայտարարել է, որ փորձում է մերձեցնել Իսրայելին և Թուրքիային, բայց չի ցանկանում, որ նրանց տարաձայնությունները ազդեն Սիրիայի անվտանգության վրա։
Դամասկոսը ընդգծել է իր իրավունքը՝ զարգացնել իր բանակը և մտնել ռազմական դաշինքների մեջ՝ անընդունելի համարելով դա վիճարկելու ցանկացած փորձ։