Առաջարկել է Էմիրաթների տարածքը տրամադրել Իրանին
Mon, 24 Aug 2026 19:30:45 +0400
Իրանի խորհրդարանի պատգամավոր Հոսեյն Ալի Հաջի-Դելիջանին անդրադարձել է աշխարհաքաղաքական պրոցեսներին, որոնք ընթանում են ներկայումս Մերձավոր Արեւելքում։ Նա հատկապես մեղադրանքներ է հնչեցրել Արաբական Միացյալ Էմիրությունների հասցեին։ Իրանցի պատգամավորը, ըստ Pars Today-ի հաղորդման, հայտարարել է, որ Պակիստանի, Սաուդյան Արաբիայի եւ Թուրքիայի միջեւ վերջերս կնքված ռազմական համաձայնագիրը վկայում է այն մասին, որ Միացյալ Նահանգները ռեգիոնում ձախողվել է։ Ապա նաեւ նկատել է, որ Արաբական Միացյալ Էմիրաթները 9 տրիլիոն դոլար է ծախսել՝ Միացյալ Նահանգներից անվտանգություն գնելու համար։ Արդյունքում՝ հայտնվել է բարդ վիճակում։ Պատգամավորը պահանջել է, որ Էմիրաթները հատուցեն Իրանին պատճառված վնասները եւ առաջարկել, որ երկար տարիներ Էմիրաթները իր տարածքը կարող է տրամադրել Իրանին՝ որպես պատճառված վնասի հատուցում։