Անոմալ շոգն ու երաշտը Եվրոպայում վտանգավոր իրավիճակ են ստեղծել

Անոմալ շոգն ու երաշտը Եվրոպայում վտանգավոր իրավիճակ են ստեղծել

Tue, 25 Aug 2026 22:00:49 +0400


Եվրոպայում վերջին տարիներին կլիման բավականին փոխվել է, եւ ամառներն առանձնակի շոգ են լինում, սակայն այս ամառ հաստատված անոմալ շոգ եղանակն ու երաշտն աննախադեպ են, նոր մահացու վտանգավոր իրավիճակ են ստեղծել։ Խոսքը վերաբերում է առաջին եւ երկրորդ աշխարհամարտերի ժամանակ չպայթած արկերին եւ զինամթերքին։

Euronews-ը հայտնում է, որ Արեւմտյան Եվրոպայում եւ հատկապես Գերմանիայում անտառային հրդեհների պատճառով ընդարձակ տարածքներ հրո ճարակ են դարձել։ Հրդեհաշիջման աշխատանքների ժամանակ հրշեջներն ավելի ու ավելի հաճախ են առերեսվում պայթյունների վտանգի հետ, ինչը պայմանավորված է հողի մեջ մնացած չպայթած հին զինամթերքի եւ արկերի առկայությամբ։ Դրանք հատկապես այն շրջաններում են, որտեղ երկու աշխարհամարտերի ժամանակ ակտիվ ռազմական գործողություններ են տեղի ունեցել։ Եվրոպայի տարածքում նման հին չպայթած զինամթերքի եւ արկերի՝ անտառային հրդեհների հետեւանքով առաջացրած պայթյունների մասին արդեն հաղորդումներ կան Նիդերլանդներում, Գերմանիայում, Ֆրանսիայում, Բելգիայում։ 70 եւ ավելի տարիներ քնած այդ արկերը, փաստորեն, արթնացել են:

Ընդ որում, բարձր ջերմաստիճանի ազդեցությունն ինքնին բերում է անկառավարելի դետոնացիայի, ինչն էլ իր հերթին է պատճառ դառնում անտառային հրդեհների։ Կլիմայական փոփոխությունը նաեւ այսկերպ է ազդում։ Գերմանիայի արեւելքում հրշեջները նույնիսկ որոշ դեպքերում ստիպված են եղել դադարեցնել անտառային հրդեհների շիջման աշխատանքները, քանի որ դրանցում մեծ քանակությամբ չպայթած արկեր են հայտնաբերվել։ Նման իրավիճակ արձանագրվել էր Մյուրիցի ազգային պարկում՝ Մեկլենբուրգ-Վերին Պոմերանիայի երկրամաս։ Այստեղ անտառային հրդեհի մակերեսը գերազանցել է 380 հեկտարը։ Հրդեհաշիջման աշխատանքներն իրականացվել են դաշնային կառավարության անմիջական հսկողությամբ։ Տարհանվել են մոտակա բնակավայրերի բնակիչները։ Տարածքը 1945-93 թթ․ խորհրդային բանակի կողմից օգտագործվել է որպես զորակայան, որտեղ պահպանվել է այն ժամանակների մեծ քանակությամբ զինամթերք։ Ավելի բարդ է իրավիճակը Բրանդենբուրգի երկրամասի պարագայում։ Այստեղ խորհրդային զորքերի եւ ֆաշիստական ուժերի միջեւ դաժան մարտեր են եղել։ Անտառային հրդեհների ժամանակ այնտեղ գրեթե միշտ պայթում են Երկրորդ աշխարհամարտից մնացած չպայթած արկեր։

© 2026 Secure News Portal

Source: Hraparak

Hraparak.am

Recent Posts

Մայր Աթոռում տեղի ունեցավ շքանշանների հանձնման արարողություն

Մայր Աթոռում տեղի ունեցավ շքանշանների հանձնման արարողություն Fri, 20 Nov 2026 19:34:43 +0400 Նոյեմբերի 20-ին…

10 րոպե ago

Դեմ է, որ Starlink-ն օգտագործվի ռազմական նպատակներով

Դեմ է, որ Starlink-ն օգտագործվի ռազմական նպատակներով Fri, 20 Nov 2026 19:30:47 +0400 Իլոն Մասկը…

14 րոպե ago

Զելենսկի․ Ռուսաստանը մերժել է հրադադարի բոլոր առաջարկները

Զելենսկի․ Ռուսաստանը մերժել է հրադադարի բոլոր առաջարկները Fri, 20 Nov 2026 19:24:35 +0400 Ուկրաինայի նախագահ…

20 րոպե ago

Հայաստանը Եվրոպայից իրեն պետք եղածից ավելին չի վերցնի

Հայաստանը Եվրոպայից իրեն պետք եղածից ավելին չի վերցնի Fri, 20 Nov 2026 19:15:39 +0400 Անկախ…

29 րոպե ago

Պեսկովը խոսել է Թրամփից ստացված գովասանքի մասին

Պեսկովը խոսել է Թրամփից ստացված գովասանքի մասին Fri, 20 Nov 2026 19:05:15 +0400 Ռուսաստանի նախագահի…

39 րոպե ago

ՊՆ պաշտոնյան յուրացրել է 280 հազար դոլար

ՊՆ պաշտոնյան յուրացրել է 280 հազար դոլար Fri, 20 Nov 2026 19:00:43 +0400 Ուկրաինայում այդ…

44 րոպե ago