Լուկաշենկոն շնորհավորել է իր «սիրելի» Մեհրիբան Ալիևիային
Wed, 26 Aug 2026 11:30:40 +0400
Բելառուսի նախագահ Ալեքսանդր Լուկաշենկոն շնորհավորել է Ադրբեջանի առաջին փոխնախագահ, Ադրբեջանի նախագահ Իլհամ Ալիևի տիկնոջը՝ Մեհրիբան Ալիևային ծննդյան օրվա կապակցությամբ։ Այս մասին հայտնել է Բելառուսի ղեկավարի մամուլի ծառայությունը։
«Ձեր հայրենասիրությունն ու անձնուրաց ծառայությունը Ադրբեջանին, ձեր խորը ըմբռնումը և ներգրավվածությունը ազգային զարգացման հիմնական հարցերում առաջացնում են հարգանք և հիացմունք», – ասվում է ուղերձում։
Լուկաշենկոն նշել է, որ Բելառուսը բարձր է գնահատում Ադրբեջանի առաջին փոխնախագահի անձնական ներդրումը Մինսկի և Բաքվի միջև ռազմավարական գործընկերության ամրապնդման, ինչպես նաև վստահության և փոխըմբռնման մթնոլորտի պահպանման գործում, որի շնորհիվ երկու երկրների միջև հարաբերությունները կարող են իրավամբ համարվել իսկական բարեկամության մոդել։ Նա Ալիևային մաղթել է առողջություն, բարգավաճում և նոր նվաճումների ոգեշնչում։
Հավելենք, որ լրատվամիջոցները բազմիցս գրել են Լուկաշենկոյի՝ Ալիևայի նկատմամբ ունեցած հատուկ «համակրանքի» մասին, որոշներն էլ պնդել, թե նրանց միջև նույնիսկ «գաղտնի սիրավեպ» կա։