ԱՄՆ Պետական դեպարտամենտը մտադիր է վերադարձնել Մերձավոր Արեւելքում գտնվող իրենց դեսպանատների տարհանված դիվանագետներին՝ իրենց աշխատավայրեր։ Տարհանումը, հիշեցնենք, որ իրականացվել էր Իրանի դեմ գործողության ընթացքում։ Այս մասին հայտնում է The New York Times պարբերականը։ Համաձայն հաղորդման, դիվանագետների վերադարձն ու ձեռնարկված արտակարգ միջոցառումների թուլացումը կարող է սկսվել արդեն այս շաբաթ։ Դա կարող է վկայել այն մասին, որ ամերիկյան վարչակազմն ունի վստահություն առ այն, որ Իրանի դեմ լայնածավալ ռազմական գործողություններ այլեւս չեն լինի։ Դիվանագետները աստիճանաբար կվերադառնան Լիբանան, հետո արդեն Էմիրաթներ, Սաուդյան Արաբիա, Քաթար, Իրաք, Բահրեյն, Քուվեյթ Հորդանան, Իսրայել եւ Օման։