Ստամբուլում կարեւոր բանակցություններ կանցկացվեն
Fri, 28 Aug 2026 18:00:17 +0400
Իրանական օրակարգով ԱԳ նախարարների մակարդակով կարեւոր բանակցություններ կանցկացվեն Ստամբուլում։ Կմասնակցեն եվրա-եռյակն ի դեմս Ֆրանսիայի, Գերմանիայի եւ Մեծ Բրիտանիայի։ Բանակցությունները կանցկացվեն օգոստոսի երեսունին։ Կմասնակցեն նաեւ Պակիստանի, Թուրքիայի, Սաուդյան Արաբիայի եւ Եգիպտոսի արտաքին քաղաքական գերատեսչությունների ղեկավարները։ Այս մասին հայտնում է DPA-ն, վկայակոչելով Գերմանիայի ֆեդերալ կառավարական շրջանակներում ունեցած իր աղբյուրներին։
Բանակցությունների ընթացքում կքննարկվեն ազատ նավագնացության ապահովման հնարավորությունները Հորմուզի նեղուցում, եւ ռեգիոնալ անվտանգության հետ կապված հարցերը։ Մասնակիցները հույս ունեն, որ բանակցությունները ազդակ կհանդիսանան Միացյալ Նահանգների համար՝ Իրանի հետ բանակցություններ սկսելու անհրաժեշտության վերաբերյալ։ Օրակարգում կլինեն նաեւ Սեւծովյան ավազանի իրադրությունն ու ուկրաինական ցորենի արտահանման հետ կապված հարցերը։