Ռուսական բանակն անխնա հարվածներ է հասցրել․ ՊՆ-ի հայտարարությունը
Sun, 30 Aug 2026 16:30:29 +0400
Ռուսաստանի զինված ուժերը գիշերը խմբային հարվածներ են հասցրել Ուկրաինայի ռազմարդյունաբերական համալիրի ձեռնարկություններին, որոնք գործում են ի շահ Ուկրաինայի զինված ուժերի, հայտնում է ՌԴ պաշտպանության նախարարությունը:
Նշվում է, որ հարվածային անօդաչու թռչող սարքերով Կիևում խոցվել է արդյունաբերական ձեռնարկություն՝ ասբեստացեմենտային արտադրանքի կոմբինատ։ Դրա պահեստներն օգտագործվել են պայթուցիկ նյութեր պահելու համար՝ ի շահ գիտատեխնիկական և ինժեներական «Խելացի զինամթերք» ՍՊԸ-ի, որն ԱԹՍ-ներ և դրանց համար զինամթերք է արտադրում:
«Ստացված հրահանգների համաձայն՝ ՌԴ զինված ուժերը ձեռնամուխ են եղել Ուկրաինայի էներգետիկայի օբյեկտներին զանգվածային հարվածներ հասցնելու նախապատրաստմանը՝ ի պատասխան Կիևի ռեժիմի կողմից Ռուսաստանի քաղաքացիական ենթակառուցվածքների և վառելիքաէներգետիկ համալիրի ուղղությամբ շարունակվող հարձակումների»,- հայտնել են Ռուսաստանի ռազմական գերատեսչությունից: