Կարգալույծ Ստեփան Ասատրյանի կազմակերպած հարսանիք փարթին` Հովհաննավանքի բակում
Mon, 07 Sep 2026 18:51:03 +0400
Հանգստյան օրերին համացանցը ցնցեց Հովհանավանքի եկեղեցու բակում կազմակերպված հարսանիքի տեսանյութը։
Վանքը զավթած կարգալույծ Ստեփան Ասատրյանը (նախկին տեր Արամը) որոշել է, քանի դեռ հնարավորություն կա, եկեղեցու բակը տրամադրել հարսանիքներ անցկացնելու համար։ Դե, ոչ վերադաս ունի, ոչ հսկող։ Հարսանիքներն էլ աչքի էին ընկել քրեական ենթամշակույթ կրող երգերով ու եկեղեցու բակում ոչ պատեհ կատարումներով։
Եկեղեցին ուժով պահող Փաշինյանի սրտի հոգևորականը հերքել էր՝ ասելով, թե նման բան չկա, արհեստական բանականությամբ է սարքած։
Մեզ փոխանցեցին այլ տեսանյութեր ևս՝ եկեղեցու բակից, որտեղ հնչում է ռաբիս երաժշտություն, և ինչ-որ պայթուցիկ սարքեր են կրակում․ հրավառություն է, երևի։
Միակ բաց հարցը, որ մնում է, այն է, թե կարգալույծ նախկին հոգևորականը, որը ուժով զավթել է եկեղեցին, եկեղեցին ռեստորանի կարգավիճակով տրամադրելով, որքան գումար է աշխատում և ուր են գնում այդ փողերը։