Զինվորականներ են զոհվել․ պայթյուն՝ Բոլիվիայի ռազմական օբյեկտում
Tue, 08 Sep 2026 12:00:35 +0400
Բոլիվիայի պաշտպանության նախարարությունը հայտարարել է, որ Վիաչա քաղաքի ռազմական տեխնիկայի սպասարկման կենտրոնում տեղի ունեցած պայթյունի հետևանքով զոհերի թիվը հասել է յոթի։
Նախարարության տվյալներով՝ փրկարարները հայտնաբերել են պայթյունից հետո անհետ կորած 14 անձանցից յոթի մարմինները։
Զոհվածների թվում են մեկ սերժանտ և վեց ժամկետային զինծառայող։ Դեպքի վայրում որոնողա-փրկարարական աշխատանքները և բեկորների հեռացումը շարունակվում են։
Վիաչայի ռազմական օբյեկտում պայթյունը տեղի է ունեցել սեպտեմբերի 4-ին։ Նախորդ հաղորդագրությունները վկայում էին երկու մահվան և 59 վիրավորի մասին։