Ռուս երգիչների յութուբյան ալիքներ են արգելափակվել
Wed, 09 Sep 2026 23:30:39 +0400
Ուկրաինական իշխանությունները երկրի տարածքում արգելափակել են թվով 31 յութուբյան ալիքներ՝ գերազանցապես ռուս արտիստների եւ էստրադային երգիչ-երգչուհիների։ Այս մասին հայտնում են այդ երկրի անվտանգային մարմինները։ Սանկցիաների տակ են հայտնվել Իրինա Ալեգրովայի, Վալերիայի, Վասիլի Գերելոյի, Լարիսա Դոլինայի, Ֆիլիպ Կիրկորովի, Սերգեյ Լազարեւի, Գրիգորի Լեպսի, Անի Լորակի, Դենիս Մայդանովի, Աննա Նետրեբկոյի, «Պելագեյա» խմբի, Տաիսիա Պովալիի եւ Յուլյա Չիչերինայի յութուբյան ալիքները։ Արգելափակվել են նաեւ լրագրող Տատյանա Պոպի, Ուկրաինայի խորհրդարանի նախկին պատգամավորներ Ռենատ Կուզմինի եւ Եվգենի Մուրաեւի յութուբյան ալիքները։