ՌԴ-ն խստացնում է միգրանտների ընտանիքների համար պահանջները
Thu, 10 Sep 2026 19:30:23 +0400
2027 թվականի հունվարի 1-ից սկսած՝ Ռուսաստանում աշխատող օտարերկրացիները պարտավոր կլինեն աջակցել երկրում բնակվող և իրենցից կախյալ ընտանիքի անդամներին։ Այս մասին Ռուսաստանի նախագահ Վլադիմիր Պուտինին զեկուցել է Ներքին գործերի նախարարի առաջին տեղակալ, օտարերկրյա քաղաքացիների քաղաքացիության և գրանցման ծառայության ղեկավար Անդրեյ Կիկոտը։
Նրա խոսքով՝ միջոցառումը նպատակ ունի սահմանափակել միգրանտների չաշխատող ընտանիքի անդամների Ռուսաստանում մնալը և իրականացվում է Պետական միգրացիոն քաղաքականության հայեցակարգի շրջանակներում։
Կիկոտը նաև նշել է, որ ռուսական դպրոցներում միգրանտ երեխաների ընդունման չափանիշների ներդրումից հետո չաշխատող ընտանիքի անդամների թիվն արդեն նվազել է 20%-ով։
Ընդունված օրենքի համաձայն՝ 2027 թվականից սկսած՝ Ռուսաստանում աշխատող միգրանտները պարտավոր կլինեն ապահովել իրենց և իրենց կախյալ ընտանիքի անդամներին կենսամակարդակի նվազագույնից ոչ ցածր մակարդակով՝ հաշվի առնելով տարածաշրջանային գործակիցը։ Սահմանված պահանջները չկատարելը կարող է հանգեցնել արտոնագրի կամ աշխատանքային թույլտվության մերժման կամ չեղարկման։