Նախագահն ասաց՝ մի քանի օրից հրաժարական կտա
Fri, 11 Sep 2026 19:30:13 +0400
Սերբիայի նախագահ Ալեքսանդր Վուչիչը հայտարարել է, որ սեպտեմբերի 25-26-ին՝ ՄԱԿ-ի Գլխավոր վեհաժողովից վերադառնալուց հետո, հրաժարական կտա երկրի ղեկավարի պաշտոնից։
Ավելի վաղ գրել էինք, որ նա սեպտեմբերի 9-ին հրամանագրեր է ստորագրել Սկուպշչինայի (խորհրդարանի) լուծարման և խորհրդարանական ընտրությունների օրը հոկտեմբերի 25-ին նշանակելու մասին:
«Ես հրաժարական կտամ և քարոզարշավը կվարեմ որպես շարքային քաղաքացի։ Օրենքը նման բան ինձանից չի պահանջում, և դա իմ ցանկությունն է: Ոչ մի նախագահ նախկինում այդպես չի վարվել. նրանք բոլորն էլ քարոզարշավ են իրականացրել՝ զբաղեցնելով նախագահի կամ վարչապետի պաշտոնը, բայց ես այդպես չեմ անի։ Քարոզարշավի վերջին ամիսը կանցկացնեմ շարքային քաղաքացու կարգավիճակով» – հայտարարել է Վուչիչը։
Սերբիայում արտահերթ ընտրություններ կանցկացվեն 2026 թվականի վերջին. Վուչիչ
Սերբիայի նախագահի լիազորությունների ժամկետը պետք է ավարտվի 2027 թվականի գարնանը։
Նա նախագահի պաշտոնը զբաղեցնում է 2017 թվականի մայիսից: