Հեռանում է պաշտոնից

Հեռանում է պաշտոնից

Fri, 11 Sep 2026 19:21:21 +0400


Ցանկանում եմ տեղեկացնել, որ վերջերս աշխատանքից ազատման դիմում եմ ներկայացրել։ Այսօր իմ վերջին աշխատանքային օրն է ՀՀ վարչապետի աշխատակազմի ռազմավարական հաղորդակցության վարչության պետի պաշտոնում։ Այդ մասին իր Ֆեյսբուքի իր էջում գրել է Մանվել Քեշիշյանը:

«Մեկ տարի առաջ՝ սեպտեմբերին, միացա վարչապետի աշխատակազմին, իսկ նոյեմբերին ստանձնեցի նորաստեղծ ռազմավարական հաղորդակցության վարչության ղեկավարումը։
Ինձ համար սա առաջին հերթին զրոյից նոր կառույց ստեղծելու, մեծ ներուժ ունեցող վարչություն կառուցելու և արդյունավետ համակարգեր ձևավորելու մասին էր։ Զրոյից սկսելը հեշտ չէ, բայց մասնագիտական առումով նաև չափազանց հետաքրքիր է, երբ հնարավորություն ունես ձևավորելու մոտեցումներ, գործընթացներ և աշխատանքի մշակույթ։

Այս ամիսների ընթացքում, պետական հաղորդակցության համար բարդ ու կարևոր ժամանակաշրջանում, մեծ աշխատանք է արվել։ Հրապարակվել են տասնյակ ուսումնասիրություններ և մասնագիտական նյութեր, մեկնարկել են պետական հաղորդակցության համակարգի զարգացմանն ուղղված մի շարք գործընթացներ, ձևավորվել են կարևոր տեղական և միջազգային համագործակցություններ, իրականացվել են վերապատրաստումներ և կարողությունների զարգացման ծրագրեր և այլն։

Ինձ համար ամենակարևոր արդյունքն այն է, որ ստեղծվել է ամուր հիմք՝ Հայաստանում պետական ռազմավարական հաղորդակցության հետագա զարգացման համար։ Կարևոր է ոչ միայն այն, ինչ հասցնում ես անել, այլև այն հիմքը, որի վրա հնարավոր կլինի շարունակել կառուցել։

Ուրախ և հպարտ եմ, որ հնարավորություն եմ ունեցել լինել այս վարչության առաջին պետը և իմ ներդրումն ունենալ դրա ձևավորման մեջ։ Ինձ համար առանձնահատուկ կարևոր էր նաև տարիների ընթացքում ձեռք բերած մասնագիտական փորձն ու գիտելիքները պետական ծառայության մեջ կիրառելու հնարավորությունը։ Դա մեծ պատիվ էր և մեծ պատասխանատվություն։

Շնորհակալ եմ վարչապետի աշխատակազմի և պետական կառավարման համակարգի բոլոր գործընկերներին։ Առանձին շնորհակալություն պետական գերատեսչությունների խոսնակներին և հաղորդակցության պատասխանատուներին, մեր մեդիա գործընկերներին, ինչպես նաև տեղական ու միջազգային գործընկերներին՝ համագործակցության և վստահության համար։ Ամենամեծ շնորհակալությունս իմ թիմինն է։ Հրաշալի մասնագետներ և հրաշալի մարդիկ։ Եթե այսօր նորից թիմ հավաքելու հնարավորություն ունենայի, նույն մարդկանց կընտրեի։

Ռազմավարական հաղորդակցությունն այսօր պետական կառավարման անկյունաքարային ուղղություններից է։ Այն պետության կարողության մասին է՝ հասկանալու իր լսարանին, բացատրելու իր քաղաքականությունն ու որոշումները, ձևավորելու վստահություն և դիմակայելու տեղեկատվական սպառնալիքներին։ Վստահ եմ, որ այս ուղղությունը Հայաստանում շարունակելու է զարգանալ։

Շնորհակալ եմ վստահության համար:

Առջևում նոր փուլ է»,- նշվում է գրառման մեջ։

© 2026 Secure News Portal

Source: Hraparak

Hraparak.am

Recent Posts

Զելենսկին պահանջով դիմել է ԱՄՆ-ին

Զելենսկին պահանջով դիմել է ԱՄՆ-ին Mon, 16 Nov 2026 11:00:21 +0400 Starshield արբանյակային կապի տերմինալների…

22 րոպե ago

Նիկոլ Փ-ն օտար է յուրայինների մեջ և յուրային՝ օտարների մեջ

Նիկոլ Փ-ն օտար է յուրայինների մեջ և յուրային՝ օտարների մեջ Mon, 16 Nov 2026 10:46:49…

35 րոպե ago

Սոցցանցերում Ալիևի հաշիվները ենթարկվել են կիբերհարձակումների

Սոցցանցերում Ալիևի հաշիվները ենթարկվել են կիբերհարձակումների Mon, 16 Nov 2026 10:30:50 +0400 Սոցիալական ցանցերում Ադրբեջանի…

51 րոպե ago

Նսեմացվածը Հանրային հեռուստատեսությունն է

Նսեմացվածը Հանրային հեռուստատեսությունն է Mon, 16 Nov 2026 10:15:29 +0400 Իրավապաշտպան Ժաննա Ալեքսանյանը ֆեյսբուքյան իր…

1 ժամ ago

Այսօր Վալոդյա Գրիգորյանը կդառնար 43 տարեկան

Այսօր Վալոդյա Գրիգորյանը կդառնար 43 տարեկան Mon, 16 Nov 2026 10:01:00 +0400 Այսօր Վալոդյա Գրիգորյանը…

1 ժամ ago

Ձեր «Ելակային քաղաքականության» հետևանքները մարդիկ արդեն տեսել են

Ձեր «Ելակային քաղաքականության» հետևանքները մարդիկ արդեն տեսել են Mon, 16 Nov 2026 09:45:46 +0400 Սուրեն…

2 ժամ ago