Որ դեպքում կվերաբացվի Հորմուզի նեղուցը․ հայտնի է պայմանը
Sat, 12 Sep 2026 18:00:02 +0400
Հորմուզի նեղուցով ազատ նավագնացությունը կվերականգնվի այն դեպքում, եթե Միացյալ Նահանգները դադարեցնի Իրանի դեմ հարձակումներն ու ծովային բլոկադան։ Այս մասին, ըստ ISNA լրատվական գործակալության փոխանցման, հայտարարել է Իսլամական Հանրապետության նախագահ Մասուդ Փեզեշկիանը։ «Նեղուցով ճանապարհը կբացվի պայմանով, որ Միացյալ Նահանգները հրաժարվի Իրանի դեմ բլոկադայից եւ ագրեսիայից»,- ասել է նա։
Նախագահ Փեզեշկիանը հավելել է, որ Վաշինգտոնը չի կարողացել իր եւ ոչ մի նպատակին հասնել ռազմական ճանապարհով եւ հիմա որոշել է դիմել բլոկադայի։ «Մենք կանգ չենք առնի։ Ծովային ճանապարհը մեզ համար կենսական կարեւորության ուղի չէ։ Թող չկարծեն, թե այդ գործողություններով կկարողանան ստիպել մեզ հանձնվել»,- ասել է Իսլամական Հանրապետության նախագահը։