Պահանջում են հնարավորինս շուտ անցկացնել հանրաքվե
Tue, 15 Sep 2026 18:53:05 +0400
Ռուսաստանը շարունակում է պնդել, որ հնարավորինս շուտ Հայաստանում անցկացվի հանրաքվե՝ ԵՄ անդամակցության վերաբերյալ։ Այս մասին հայտարարել է ՌԴ ԱԳ նախարարության խոսնակ Մարիա Զախարովան։
Նա վերստին ասել է, որ Մոսկվայի դիրքորոշումն այս հարցի հետ կապված չի փոխվել եւ ընդգծել է, որ ռուսական կողմի կեցվածքը, թե անհրաժեշտ է հնարավորինս շուտ կազմակերպել համաժողովրդական հանրաքվե կապված Երեւանի կողմից ԵՄ անամակցության գործընթաց սկսելու հետ, մնում է հաստատուն եւ հետեւողական։
Զախարովան նաեւ ասել է, որ Հայաստանի իշխանությունների կողմից հնչեցված թեզերը, թե ԵՄ անդամակցության օրակարգը դեռ ձեւավորված չէ։ հակադում է անցյալ տարվա ապրիլին ընդունված ԵՄ անդամակցության գործընթաց սկսելու մասին ՀՀ օրենքին։ Անդրադառնալով ԵՄ եւ ԵԱՏՄ միջեւ Հայաստանի տատանողական վիճակին՝ Զախարովան դա համեմատել է քայքայվող ընտանիքի հետ, երբ արդեն ամուսնություն կամ ընտանիք ըստ էության չկա, սակայն մարդիկ շարունակում են իրար հետ ապրել։