Դիլիջանի աղբավայրը միտումնավո՞ր են հրդեհում
Wed, 16 Sep 2026 22:45:28 +0400
Մինչ Դիլիջանի ՔՊ-ական համայնքապետ Դավիթ Սարգսյանը համայնքապետարանի ինտերնետային կայքում և Ֆեյսբուքի իր էջում գովաբանում է համայնքում կատարված գործերը, գրեթե ամեն օր Դիլիջան համայնքի աղբավայրում հրդեհ է։
Սեպտեմբերի 14-ին ևս աղբավայրից ծուխը և քիմիական նյութերի այրումից առաջացած ծանր հոտը տարածվել էին Հայաստան-Վրաստան միջպետական ավտոճանապարհին, Աղստև գետի գեղատեսիլ հովտում։ Դիլիջան համայնքի շատ բնակիչներ կարծում են, որ աղբավայրը դիտավորյալ են հրդեհում, այրելով՝ աղբի քանակը քչանում է, աղբավայրը «բարեկարգվում է», առանց համայնքապետարանի կողմից ջանքեր գործադրվելու։