Ովքեր ու ուր կարող են մեկնել ՀՀ-ից առանց վիզայի
Thu, 17 Sep 2026 11:24:24 +0400
ՀՀ կառավարությունը հավանություն է տվել Ռուանդայի և Բենինի հետ դիվանագիտական և ծառայողական անձնագրեր ունեցող քաղաքացիների համար մուտքի վիզայի պահանջը վերացնելու վերաբերյալ համաձայնագրերի ստորագրման առաջարկներին։ Համապատասխան որոշումները ընդունվել են կառավարության հերթական նիստում։
Նախաձեռնության շրջանակում նախատեսվում է հեշտացնել երկու երկրների համապատասխան անձնագիր ունեցող անձանց մուտքն ու տեղաշարժը՝ վերացնելով վիզա ստանալու անհրաժեշտությունը։
Հայաստանի և Բենինի միջև դիվանագիտական հարաբերությունները հաստատվել են 2007 թվականի օգոստոսի 2-ին։ Երկու երկրների միջև հարաբերությունների հաստատումն ամրագրվել է ՄԱԿ-ում Հայաստանի և Բենինի դեսպանների կողմից ստորագրված համապատասխան արձանագրությամբ։
Հայաստանի և Ռուանդայի միջև դիվանագիտական հարաբերությունները ձևավորվել են ավելի վաղ՝ 2004 թվականի մարտի 29-ին։