Հայաստանը՝ ռուս նկարիչների աչքերով

Հայաստանը՝ ռուս նկարիչների աչքերով

Thu, 17 Sep 2026 21:00:21 +0400


Մոսկվայում՝ հայտնի ВДНХ-ում, սեպտեմբերի 15-ից մինչեւ հոկտեմբերի 15-ը «Հայաստան» տաղավարում «Հայաստանը՝ ռուս նկարիչների աչքերով» ցուցահանդեսն է բացվել։ Ցուցադրության կլինեն ժամանակակից ռուս նկարիչներ Պավել Շումովի, Արտյոմ Պուչկովի, Պավել Մունթիեւի, Բորիս Կլեմենտեւի, Անդրեյ Սիբիրսկու եւ Ալլա Ցվետկովայի գործերը։ Այս եւ նմանատիպ ցուցահանդեսները սոսկ մշակութային միջոցառումներ կամ պրոֆիլային իրադարձություններ չեն: Դրանք առաջին հերթին երկխոսություն են արվեստի եւ մշակույթի լեզվով եւ առիթ` այլոց աչքերով տեսնելու եւ հասկանալու Հայաստանը՝ որպես գեղարվեստական կերպար։

Հատկապես այդ ամենը կարեւոր է հիմա, երբ Հայաստանի եւ Ռուսաստանի հարաբերությունները պաշտոնական մակարդակում բավականին լարված են։ Իսկ եթե անդրադառնանք զուտ երկու ժողովուրդներին, ապա հայ-ռուսական մշակութային կապերը բավականին խորն են ու փոխներթափանցված, եւ Հայաստանը՝ որպես գեղարվեստական կերպար, որպես ներշնչանքի աղբյուր, մեկ անգամ չէ, որ եղել է, կա ու, վստահ ենք՝ ապագայում նաեւ կլինի ռուսական արվեստի եւ մշակութային գործիչների տեսադաշտում։ Հայաստանը ռուսական կերպարվեստում, ռուս նկարիչների մոտ՝ առաջին հերթին լեռնաշխարհային լանդշաֆտն է, վանքերը, ճարտարապետությունը, յուրահատուկ «սարյանական լուսաշող միջավայրը», տիպիկ հայկական գյուղական եւ քաղաքային պատկերները։ Սրանք այն «պատկերավոր արտահայտություններն» են, որոնցով ներկայացվում է Հայաստանը, կերտվում կտավին կամ թղթի վրա որպես թեմա, որպես որոշակի մշակութային ֆենոմեն։

Հայաստանը նոր չէ, որ սկսել է հետաքրքրել ռուս նկարիչներին։ 19-20-րդ դդ․ ռուսական եւ սովետական կերպարվեստն ուսումնասիրելիս բավականին շատ օրինակներ կարելի է գտնել։ Ընդ որում, ինչը չափազանց հետաքրքիր է՝ Հայաստանը նկարչից նկարիչ, կտավից կտավ մեկաբանվում ու պատկերվում է յուրովի, սեփական փորձառության, հուզականության, ընկալման եւ «հայացքի» համեմատ։ Դրա համար Արարատը՝ որպես սիմվոլ, նույն վանքը կամ նույն քաղաքային պատկերը տարբեր նկարիչների մոտ կարող են լինել տարբեր մեկնաբանությամբ՝ կրելով նկարչի «կնիքը»։ Սա ե՛ւ հետաքրքիր է դիտողի համար, ե՛ւ հարուստ ու հետաքրքիր նյութ է ուսումնասիրողի համար, որը ցուցահանդեսին վերաբերվում է ոչ թե զգացական գեղագիտական կամ հուզական ասպեկտից, այլ պրոֆեսիոնալ անալիտիկ պրիզմայից՝ փորձելով վերլուծել այն թե՛ որպես ամբողջություն, թե՛ կտավ առ կտավ, նկարիչ առ նկարիչ։ Ու այս առումով թերեւս այս ցուցահանդեսը հետաքրքիր է ե՛ւ հասարակ դիտողի համար, ե՛ւ պրոֆեսիոնալ արվեստագետի կամ էսթետի։

© 2026 Secure News Portal

Source: Hraparak

Hraparak.am

Recent Posts

Մալանկարա Ասորի Ուղղափառ եկեղեցու կաթողիկոս-պատրիարքն աղոթում է Հայ Եկեղեցու և նրա գահակալի համար

Մալանկարա Ասորի Ուղղափառ եկեղեցու կաթողիկոս-պատրիարքն աղոթում է Հայ Եկեղեցու և նրա գահակալի համար Sun, 22…

9 րոպե ago

Ստի ոտքը կարճ է լինում, վարչապետի դեպքում ընդամենը երկու օր տևեց

Ստի ոտքը կարճ է լինում, վարչապետի դեպքում ընդամենը երկու օր տևեց Sun, 22 Nov 2026…

15 րոպե ago

Էս պատուհասները հերթ չեն տալիս` մի օր «դադար» չեն վերցնում

Էս պատուհասները հերթ չեն տալիս` մի օր «դադար» չեն վերցնում Sun, 22 Nov 2026 13:45:29…

30 րոպե ago

Ֆիդանը հայտարարել է Սիրիայի դեմ Իսրայելի կողմից հնարավոր գործողության մասին

Ֆիդանը հայտարարել է Սիրիայի դեմ Իսրայելի կողմից հնարավոր գործողության մասին Sun, 22 Nov 2026 13:00:54…

1 ժամ ago

Խորհրդարանից մինչև Եվրոպա

Խորհրդարանից մինչև Եվրոպա Sun, 22 Nov 2026 12:45:14 +0400 «Ուժեղ Հայաստան» կուսակցությունն այս շաբաթ հանդես…

2 ժամ ago

Հայ Առաքելական Եկեղեցիներում մատուցվում է Սուրբ Պատարագ

Հայ Առաքելական Եկեղեցիներում մատուցվում է Սուրբ Պատարագ Sun, 22 Nov 2026 12:35:05 +0400 Այսօր կիրակի…

2 ժամ ago