Ամենայն Հայոց Կաթողիկոսն ընդունեց «Նոյան երկիր. Քրիստոնեությունը հետմոդեռնիզմից հետո» միջազգային համաժողովի մասնակիցներին

Ամենայն Հայոց Կաթողիկոսն ընդունեց «Նոյան երկիր. Քրիստոնեությունը հետմոդեռնիզմից հետո» միջազգային համաժողովի մասնակիցներին

Fri, 18 Sep 2026 16:58:29 +0400


Սեպտեմբերի 17-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Ամրոց» հիմնադրամի կազմակերպած «Նոյան երկիր. Քրիստոնեությունը հետմոդեռնիզմից հետո» միջազգային համաժողովի մասնակիցներին։

«Ամրոց» հիմնադրամի հիմնադիր, հոգաբարձուների խորհրդի անդամ տիար Մանուկ Հերգնյանը Նորին Սրբությանը ներկայացրեց սեպտեմբերի 18–19-ին Հաղարծնի վանական համալիրում անցկացվելիք համաժողովի մասնակիցներին՝ հավելելով, որ տարբեր երկրներ և մասնագիտական ոլորտներ ներկայացնող գործիչները համախմբվել են՝ քրիստոնեական հավատքի լույսի ներքո քննարկելու ժամանակակից մարտահրավերները և որոնելու դրանց հաղթահարման ուղիները։

Ամենայն Հայոց Կաթողիկոսն իր օրհնությունն ու բարեմաղթանքները փոխանցեց ներկաներին՝ ողջունելով նման համաժողովի անցկացումը քրիստոնեական հարուստ ժառանգություն ունեցող Հայաստանում։
Իր խոսքում Հայոց Հայրապետն անդրադարձավ Հայաստանյայց Առաքելական Սուրբ Եկեղեցու կարևոր առաքելությանը հայ ժողովրդի կյանքում՝ ընդգծելով Եկեղեցու դերակատարությունը քրիստոնեական հավատքի զորացման, ազգային ինքնության կերտման ու պահպանման գործում։

Նորին Սրբության խոսքով՝ Քրիստոսի լուսավոր պատգամներին հավատարիմ հայ ժողովուրդը ոգու արիությամբ դիմագրավել է պատմության ընթացքում իրեն բաժին հասած ծանրագույն փորձությունները՝ կերտելով հարուստ մշակույթ և սերունդներին ավանդելով հոգևոր ու ազգային անանց արժեքներ։ Վեհափառ Հայրապետը նկատեց, որ հավատքն այսօր ևս ամուր հենարան է առկա մարտահրավերները հաղթահարելու ճանապարհին՝ կարևորելով արդի աշխարհում գիտատեխնիկական առաջընթացին զուգընթաց քրիստոնեական արժեքների ամրապնդման և մարդու հոգևոր ու բարոյական աճի հրամայականը, որպեսզի գիտության նվաճումները ծառայեն անհատի և հասարակության բարօրությանը։

Վերջում Ամենայն Հայոց Կաթողիկոսը համաժողովի մասնակիցներին մաղթեց արդյունավետ աշխատանք՝ հույս հայտնելով, որ քննարկումները կնպաստեն քրիստոնեական արժեքների տարածմանը և հանրային կյանքում դրանց կենսագործմանը։

© 2026 Secure News Portal

Source: Hraparak

Hraparak.am

Recent Posts

Առաջին անգամ Մերկուրի մոլորակը կուսումնասիրեն երկու արբանյակների օգնությամբ

Առաջին անգամ Մերկուրի մոլորակը կուսումնասիրեն երկու արբանյակների օգնությամբ Sun, 22 Nov 2026 23:45:13 +0400 BepiColombo…

3 ժամ ago

Քվեարկել են Մեծ Բրիտանիայի կազմից դուրս գալու օգտին

Քվեարկել են Մեծ Բրիտանիայի կազմից դուրս գալու օգտին Sun, 22 Nov 2026 23:36:13 +0400 Անգլիայի…

3 ժամ ago

Վաճառվել է «Տիտանիկի» աղետը վերապրած ուղեւորուհու մատանին

Վաճառվել է «Տիտանիկի» աղետը վերապրած ուղեւորուհու մատանին Sun, 22 Nov 2026 23:30:03 +0400 Henry Aldridge…

3 ժամ ago

Արքայազն Հարին և Մեգան Մարքլն առաջին անգամ երեխաների հետ միասին հանրությանն են ներկայացել

Արքայազն Հարին և Մեգան Մարքլն առաջին անգամ երեխաների հետ միասին հանրությանն են ներկայացել Sun, 22…

3 ժամ ago

Ամերիկա-Իրանական առճակատման հնարավոր ժամկետ են նշել

Ամերիկա-Իրանական առճակատման հնարավոր ժամկետ են նշել Sun, 22 Nov 2026 23:08:12 +0400 Պենտագոնի նախկին ղեկավար…

3 ժամ ago

Մահացել է ոկերչական հայտնի ընկերության նախկին ղեկավարը

Մահացել է ոկերչական հայտնի ընկերության նախկին ղեկավարը Sun, 22 Nov 2026 23:00:35 +0400 89 տարեկանում…

3 ժամ ago