Ռիչարդ Կիրակոսյանը հոսպիտալացվել է Թուրքիայում
Sat, 19 Sep 2026 09:30:39 +0400
Հայաստանում գործող Տարածաշրջանային հետազոտությունների կենտրոնի տնօրեն Ռիչարդ Կիրակոսյանը Ստամբուլում հոսպիտալացվել է՝ ուղեղի արյունազեղում ստանալուց հետո։
Այս մասին ասվում է կենտրոնի հաղորդագրության մեջ․
«Սիրելի՛ բարեկամներ, գործընկերներ և հետևորդներ,
Ցավով տեղեկացնում ենք, որ մեր կենտրոնի տնօրեն Ռիչարդ Գիրագոսյանը հոսպիտալացվել է Ստամբուլում։
Ռիչարդը Ստամբուլ էր մեկնել գործնական հանդիպման մասնակցելու նպատակով, սակայն վերջին շաբաթվա ընթացքում նրա ինքնազգացողությունը վատացել է։ Նրա մոտ արձանագրվել է ուղեղային արյունազեղում։
Ներկայումս Ռիչարդ Գիրագոսյանը գտնվում է Օքմեյդանիի պրոֆ. դոկտոր Ջեմիլ Թաշչըօղլուի անվան հիվանդանոցի վերակենդանացման բաժանմունքում։ Առաջիկա օրերին պարզ կդառնա՝ արդյոք արյունազեղումը երկարաժամկետ վնաս է հասցրել։
Շնորհակալ ենք բոլորին ջերմ խոսքերի, աջակցության և մաղթանքների համար։ Անհրաժեշտության դեպքում լրացուցիչ տեղեկություններ կհրապարակենք մեր էջում։
Միասին սպասում ենք Ռիչարդի վերադարձին»։