Եվրոպայում շատերը չեն ճանաչում իրենց քաղաքական ղեկավարներին
Sun, 20 Sep 2026 16:30:40 +0400
Եվրամիության քաղաքացիների զգալի մասը պատկերացում անգամ չունեն, թե ովքեր են ղեկավարում Եվրամիությունը կամ Միության ղեկավար մարմինները, օրինակ՝ Եվրահանձնաժողովը։ Այս մասին գրում է Politico պարբերականը։ Համաձայն անցկացված սոցհարցման տվյալների, Ֆրանսիայում հարցվածների 20 տոկոսը հայտարարել է, թե չգիտի, թե ով է Ուրսուլա ֆոն դեր Լեյենը։Վերջինս զբաղեցնում է Եվրահանձնաժողովի նախագահի պաշտոնը, այսինքն՝ հանդիսանում է ԵՄ գործադիր իշխանության ղեկավարը, այսպես ասած։ Իսպանիայում այդ ցուցանիշը կազմում է հարցվածների 10 տոկոսը, Գերմանիայում՝ 5 տոկոսը։ Պարբերականը նկատում է, որ ըստ էության, կարելի է ֆիքսել, որ ԵՀ նախագահը չի կարողացել գրավել հասարակության համակրանքը։ Սոցհարցումները նաեւ պարզել են, որ քչերն են ԵՄ-ում, որ հետեւում են նրա ուղիղ-եթերային ելույթներին։ Մասնագետները նշում են, որ ֆոն դեր Լեյենը եվրոպական հանրության մեջ նույն խնդիրներին է բախվում, ինչին որ բախվել են այն բոլոր առաջնորդները եվրոպական ցամաքում, որոնք արդեն պարտվել են ընտրություններում եւ հայտնվել լուսանցքում։