Բիլ Գեյթսը կողմ է արհեստական բանականության սահմանափակմանը
Wed, 23 Sep 2026 23:45:00 +0400
Ամերիկացի միլիարդատեր, Microsoft ընկերության հիմնադիր Բիլ Գեյթսը աջակցել է ԱԲ տեխնոլոգիաների զարգացման սահմանափակմանը։ Նա այն կարծիքին է, որ մարդկությունը դեռ պատրաստ չէ այդ ոլորտում նկատվող շեշտակի առաջընթացի հետեւանքներին։ Այս մասին հայտնում է NDTV-ն։ Գեյթսը ասել է, որ ԱԲ-ն իրենից ներկայացնում է եզակի տեխնոլոգիա, որի ռիսկերը չի կարելի համեմատել ոչ անհատական համակարգիչների, ոչ ինտերնետի ներկայացրած մարտահրավերների ու ռիսկերի հետ։
«Դա շատ լուրջ բան է»,- նկատել է նա՝ ընդգծելով, որ անհրաժեշտ է սկզբից իսկ գնահատել հնարավոր բոլոր հետեւանքները, որոնք կարող են առաջանալ ԱԲ-ի զարգացման հետեւանքով։ Նա հավելել է, որ իր նման մարդու համար, ով ամբողջ կյանքում ինովացիաների կողմնակից է եղել, գուցե նմանատիպ հայտարարությունը համարվի անսպասելի։ Սակայն ինքն համոզված է, որ եթե ԱԲ-ն ավելի դանդաղ զարգանա, ապա մարդկությունը կկարողանա ավելի լավ պատրաստվել եւ ընտելանալ դրա բերած փոփոխություններին, որոնք անպայման լինելու են։