Արհեստական բանականությունը կարող է ոչնչացնել մեկ միլիարդ մարդու․ Բիլ Գեյթս
Sat, 26 Sep 2026 23:30:50 +0400
Microsoft-ի համահիմնադիր, միլիարդատեր եւ ֆիլանթրոպ Բիլ Գեյթսը կոչ է արել ամերիկյան օրենսդիրներին՝ կարգավորել Արհեստական բանականության տեխնոլոգիաների ոլորտը։ Այս մասին հայտնում է NBC News-ը։
Ի պատասխան լրագրող Քրիստեն Վելքերի հարցի, թե արդյոք անհրաժեշտ է կարգավորող օրենքներ ընդունել Վաշինգտոնում՝ Գեյթսն ասել է՝ «Պարտադիր պետք է։ Անհրաժեշտ է, որպեսզի իրավապահներն ու քաղաքական գործիչները միանան այն քննարկումներին, թե ինչպիսին պետք է լինեն երաշխիքներն ու մոնիթորինգը։ Եւ դա պետք է լինի պարտադիր»,- ասել է Գեյթսը։ Նա հայտարարել է, որ կա ռիսկ, որ ինչ որ պահից սկսած ԱԲ-ն կարող է ոչնչացնել մարդկությանը։ Գեյթսն ասել է, որ ԱԲ-ն բավարար չափով զորեղ է, որպեսզի առաջացնի այնպիսի զարգացումներ, որոնք բերեն մեկ միլիարդ մարդու մահվան։ Դա կարող է լինել այն ժամանակ, երբ համադրվեն չարանենգ մարդկային մտադրությունները, առկա զենքերի հզորությունն ու ԱԲ տեխնոլոգիաները, շեշտել է Գեյթսը։