Իրանը թռիչքների սահմանափակման հարցով բողոք է հայտնել ICAO–ին
Mon, 28 Sep 2026 15:00:49 +0400
Թեհրանն իրանական ավիաընկերությունների նկատմամբ սահմանված ամերիկյան սահմանափակումների հարցով բողոք է հայտնել Քաղավիացիայի միջազգային կազմակերպությանը (ICAO)։ Այս մասին հայտարարել է Իրանի քաղավիացիայի կազմակերպության ղեկավար Աբուզար Շիրուդին։
Ավելի վաղ ԱՄՆ ֆինանսների նախարար Սքոթ Բեսենտը սպառնացել էր, որ սեպտեմբերի 23-ից իրանական ավիաընկերությունները այլևս չեն կարողանա թռիչքներ իրականացնել, ցամաքում նրանց ծառայություններ չեն մատուցի պատժամիջոցների պատճառով։
«Օրինական իրավունքները պաշտպանելու և ԱՄՆ-ի սահմանած անօրինական սահմանափակումներին հակազդելու համար պատրաստվել և ICAO-ին է ներկայացվել Իրանի բողոքը», – IRNA գործակալությանն ասել է Շիրուդին։