Հայկական թաղամասը՝ հերթական միջադեպի թիրախում
Tue, 29 Sep 2026 11:58:43 +0400
Երուսաղեմի Հին քաղաքում գտնվող Սուրբ Հակոբ վանքի տարածքում միջադեպ է արձանագրվել։ Իսրայելցի տղամարդը փորձել է միզել վանքի տարածքում, սակայն նրան հաջողվել է կանգնեցնել դեռևս նախքան անվտանգության աշխատակցի միջամտությունը։
Դեպքը տեղի է ունեցել Երուսաղեմի հայկական քրիստոնեական համայնքի և հայկական սրբավայրերի նկատմամբ վերջին շրջանում արձանագրվող մի շարք միջադեպերի ֆոնին։
Վերջին ամիսներին Սուրբ Հակոբ վանքի հարակից տարածքում մի քանի նմանատիպ դեպքեր են արձանագրվել։ Օգոստոսին վանքի մուտքի մոտ ձերբակալվել էին վեց հրեա կրոնականներ, այդ թվում՝ հինգ անչափահասներ։ Նրանց վերագրվում էր վանքի ուղղությամբ թքելու, դարպասներին հարվածելու և համալիրի տարածք քարեր նետելու գործողություններ։
Սեպտեմբերին Իսրայելի ոստիկանությունը լրացուցիչ ուժեր էր տեղակայել վանքի շրջակայքում՝ կրկնվող միջադեպերը կանխելու նպատակով։ Սակայն դրանից հետո ևս նոր և ավելի լուրջ դեպքերի մասին հաղորդումներ են հայտնվել։
Սուրբ Հակոբ վանքի տարածքում տեղի ունեցած վերջին միջադեպը հաջորդել է հայկական համայնքի նկատմամբ մեկ այլ միջադեպի։ Այս ամսվա սկզբին Հին քաղաքի տարածքում 9-ամյա հայ քրիստոնյա երեխայի ուղղությամբ արցունքաբեր գազ էր կիրառվել։