ԵՄ անդամակցության թեկնածուների համար «ճանապարհային քարտեզ» են մշակում
Tue, 29 Sep 2026 18:30:04 +0400
Եվրամիությունը առաջին անգամ կարող է սահմանել հստակ ժամկետներ՝ Միությանը անդամակցելու համար հայտ ներկայացրած մի շարք երկրների անդամակցության գործընթացի համար, մշակելով նաեւ հստակ «ճանապարհային քարտեզ»՝ անելիքների վերաբերյալ։ Թիրախում 4 երկրներ են՝ Ուկրաինա, Մոլդովա, Չեռնոգորիա եւ Ալբանիա։ Այս մասին հայտնում է Politico պարբերականը։ «Ճանապարհային քարտեզները» թույլ են տալու՝ ավելի հստակ սահմանելու պահանջները, որոնք առաջադրվելու են յուրաքանչյուր թեկնածու երկրին։ Բարեփոխումների արդյունքում՝ թեկնածու երկրները առաջին անգամ կստանան անդամակցության երաշխիքներ եւ կնշվեն բանակցությունների ավարտի հստակ ժամկետները։